Pa en seun vandag in hof oor moord
'n Bejaarde pa en sy seun verskyn vandag in die Karasburg-landdroshof op klagte van moord, dwarsboming van die gereg en liggaamskending.
Volgens die Namibiese polisie se waarnemende streekskommissaris in die ||Kharasstreek, adj.komm. Tauno Hamukoto, het 'n 82-jarige man na bewering ‘n ‘n 47-jarige man by Grünau doodgeskiet.
Die man het glo sy seun (52) gebel wat op Karasburg bly om hom te help om die liggaam te vervoer. Hulle het na bewering van die liggaam verlede Maandagoggend sowat 20 km buite Grünau op die pad na Keetmanshoop ontslae geraak.
“Die liggaam is omstreeks 02:25 deur ‘n motoris gevind. Dit blyk of die oorledene deur ‘n voertuig raakgery is, maar met nadere ondersoek het die polisie verskeie gate in sy maag gesien waaruit bloed gekom het” het Hamukoto gesê.
Hamukoto het gesê volgens ‘n nadoodse ondersoek wat in die Keetmanshoop-staatshospitaal gedoen is, het die resultate aangedui dat die gate soortgelyk aan skietwonde is, spesifiek van ‘n haelgeweer.
“Ons het ‘n span speurders en die spesiale reserwemag gestuur om ondersoek in te stel en hulle glo die oorledene is deur die verdagte geskiet,” het hy gesê.
Die moordwapen is glo in die plafon van die verdagte se huis op Grünau gevind.
Hamukoto het bygevoeg dat meer inhegtenisnemings in verband met die klagte van dwarsboming van die gereg kan volg.
Die oorledene se naasbestaandes is van sy dood ingelig en die polisieondersoek duur voort.
- Nampa
Volgens die Namibiese polisie se waarnemende streekskommissaris in die ||Kharasstreek, adj.komm. Tauno Hamukoto, het 'n 82-jarige man na bewering ‘n ‘n 47-jarige man by Grünau doodgeskiet.
Die man het glo sy seun (52) gebel wat op Karasburg bly om hom te help om die liggaam te vervoer. Hulle het na bewering van die liggaam verlede Maandagoggend sowat 20 km buite Grünau op die pad na Keetmanshoop ontslae geraak.
“Die liggaam is omstreeks 02:25 deur ‘n motoris gevind. Dit blyk of die oorledene deur ‘n voertuig raakgery is, maar met nadere ondersoek het die polisie verskeie gate in sy maag gesien waaruit bloed gekom het” het Hamukoto gesê.
Hamukoto het gesê volgens ‘n nadoodse ondersoek wat in die Keetmanshoop-staatshospitaal gedoen is, het die resultate aangedui dat die gate soortgelyk aan skietwonde is, spesifiek van ‘n haelgeweer.
“Ons het ‘n span speurders en die spesiale reserwemag gestuur om ondersoek in te stel en hulle glo die oorledene is deur die verdagte geskiet,” het hy gesê.
Die moordwapen is glo in die plafon van die verdagte se huis op Grünau gevind.
Hamukoto het bygevoeg dat meer inhegtenisnemings in verband met die klagte van dwarsboming van die gereg kan volg.
Die oorledene se naasbestaandes is van sy dood ingelig en die polisieondersoek duur voort.
- Nampa
Kommentaar
Republikein
Geen kommentaar is op hierdie artikel gelaat nie