OYO bied aan: Ania, the lost spirit

Vandag om 19:00 bied die OYO-dansgeselskap die dansproduksie Ania, the lost spirit saam met gaste uit Engeland, Kanada en Swede aan. Die choreografie vir die produksie is deur Philippe Talavera gedoen en 15 dansers sal besoekers op die verhoog vermaak. Die antieke Grieke het geglo pyn word deur geeste veroorsaak. Een van die geeste, Ania (gees van hartseer en verlies), is skynbaar vermis. Of is sy? Is sy nie dalk die een wat tienermeisies teister wat swanger raak en verantwoordelikheid daarvoor moet neem as hul kêrels hulle in die steek laat nie? Mans hardloop skynbaar gou weg van die tipe verantwoordelikhede en laat hul meisies alleen agter om hul families en gemeenskappe te moet hanteer. Sommige meisies raak so bang dat hulle aborsies ondergaan of hul babas weggooi, wat misdade is en ‘n langdurige uitwerking op die meisies se gesondheid kan hê. Met die produksie hoop OYO om die bul by die horings te pak en meisies te waarsku teen geslagsgeweld in skole. Statistiek dui daarop dat dit belangrik is om onderrig aan vroue te verskaf. Kinders van geleerde vroue het ‘n beter kans om hul skoolloopbane te voltooi, terwyl dié van moeders sonder geleerdheid geneig is om self ook nie hul skoolloopbane te voltooi nie. Dit laat hulle met minder geleentheid om hul lewe te verbeter omdat hulle nie die geleerdheid het om ‘n goeie werk te kry nie. Deur meisies onderrig te bied, word toekomstige geslagte dus gehelp en die sirkel van armoede verbreek. Toegang tot die Goethe-sentrum is gratis, maar daar is slegs 120 sitplekke beskikbaar. Belangstellendes kan vooraf vir Karolina (061 254 915) skakel om hul sitplek te bespreek.

OYO bied aan: Ania, the lost spirit

Kommentaar

Republikein 2025-11-05

Meld asseblief aan om kommentaar te lewer

OYO bied aan: Ania, the lost spirit

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.