Owerhede ontken geweld

Denver Kisting – Die stadspolisiehoof Abraham Kanime het gister ontken dat hulle straatverkopers in die middestad viktimiseer.Trouens, sê hy by navraag, dit is aan die stadspolisie te danke dat die straatverkopers in die middestad ordelik sake kan doen. “Ek weet nie eens hoe om te begin om dit te beskryf nie. Hoe kan die polisie hulle viktimiseer? Dis ons wat dit fasiliteer vir hulle om daar te wees.”Kanime het gistermiddag by navraag gesê Namibië se wette het ’n doel – “veral gedurende hierdie tyd van Covid-19”.Hy sê die regulasies om die verdere verspreiding van die virus hok te slaan, moet deur almal nagekom word. “Ons laat nie straatverkopers toe om van een plek na ’n ander te skuif nie. Dit is nogal maklik om die virus te versprei. Hulle vrugte en groente is nie eens bedek nie.”Volgens Kanime het die verkopers, wat aanvoer dat lede van die stadspolisie hulle teister, ten doel “om wetteloosheid te verdedig”.PDM MAAK STEM DIKDie leier van die amptelike opposisie, die Popular Democratic Movement (PDM), mnr. McHenry Venaani, het gister die straatverkopers in die Windhoekse middestad besoek.Dít het gekom nadat ’n groep gegriefde straatverkopers onder leiding van mnr. Naftali Nghiyolwa ’n brief aan hom geskryf het om in te gryp.In dié brief voer Nghiyolwa aan lede van die stadspolisie stel hulle aan hardhandigheid en intimidasie bloot.Volgens die skrywe word daar dikwels op hul handelsware beslag gelê. In een onlangse voorval het ’n stadspolisiebeampte selfs ’n vuurwapen oorgehaal “teen ’n ongewapende vroulike handelaar”.Nghiyolwa sê die beampte se verweer was dat die handelaar sy lewe bedreig het. Volgens Kanime is die beweringe onwaar. “Daardie mense moet regtig ernstig wees met polisiebeamptes”.Enigiemand wat onregmatig deur wetstoepassers behandel word, het die reg om strafregtelike klagte teen dié beamptes aanhangig te maak, sê Kanime.Boonop kan lede van die publiek hulle ook tot die kantoor van die ombudsman wend, het Kanime gesê. Venaani het tydens sy besoek gesê hy en sy party praat geensins wetteloosheid goed nie.Maar, sê hy, die gedrag van die stadspolisie teenoor die straatverkopers is onaanvaarbaar. “Jou goedere word gekonfiskeer. Die bietjie geld wat jy maak, word afgevat. Jy word N$500 beboet. Jy word tronk toe gevat. Hoekom sal jy ’n mede-Namibiër so erg straf?”- denver@republikein.com.na

Owerhede ontken geweld

Kommentaar

Republikein 2025-12-18

Meld asseblief aan om kommentaar te lewer

Owerhede ontken geweld

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.