Oupa molesteer glo kleindogter

’n Oupa van Rehoboth wat sy negejarige kleindogter van wie hy ook die voog is vir etlike maande na bewering seksueel gemolesteer het, is een van etlike gevalle van verkragting wat die polisie se weeklikse misdaadverslag oorheers. Volgens die verslag het die voorvalle verlede jaar in Blok F op die dorp plaasgevind, maar is dit eers Saterdag deur die meisie se ouma by die polisie aangemeld nadat sy van die beweerde verkragtings bewus geword het. Die oupa is egter nog nie in hegtenis geneem nie en die ondersoek duur voort. Ook Saterdag in die vroeë oggendure is ’n 21-jarige man in Ongetestraat in Okuryangava in Windhoek deur twee onbekende mans gewapen met messe oorval. Hy is na bewering deur albei mans verkrag, waarna hulle hom van sy selfoon beroof het. Niemand is nog in verband met die voorval in hegtenis geneem nie. Op Aranos is ’n 16-jarige meisie in die Nuwerus-nedersetting naby die Beth-El-koshuis glo deur ’n 25-jarige man verkrag wat in hegtenis geneem is. Op Okongo is ’n 48-jarige man agter tralies nadat hy in Augustus en September vanjaar na bewering twee minderjariges, ’n negejarige en ’n tienjarige meisie, in sy slaapkamer verkrag het. Die tienjarige meisie is sy stiefdogter. Op Eenhana is ’n 14-jarige meisie na bewering in bosse naby die Oshipala-nedersetting in die Omundaungilo-kiesafdeling verkrag, nadat sy gaan water haal het.

Oupa molesteer glo kleindogter

Kommentaar

Republikein 2025-12-16

Meld asseblief aan om kommentaar te lewer

Oupa molesteer glo kleindogter

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.