Ouetehuis eindelik geregistreer

Die Katutura-ouetehuis is gister uiteindelik wettiglik geregistreer. Die huis is dus nou volgens die Wet op Bejaardes 81 van 1967 'n volwaardige regsentiteit. Tydens die amptelike oorhandiging van die registrasiesertifikaat het die burgemeester van Windhoek, mnr. Muesee Kazapua, sy dank teenoor die ministerie van gesondheid en maatskaplike dienste uitgespreek vir hul vertroue in Windhoek se munisipaliteit (CoW) om die ouetehuis se belange op die hart te dra.“Ek wil die ouetehuis se bestuursraad ook daarmee gelukwens dat die tehuis nou amptelik geregistreer is. Een van die raad se hoofmandate was om die tehuis te registreer,” het hy gesê. Volgens Kazapua behoort die tehuis aan CoW en sal dit altyd die stadsraad se eiendom bly. “In die vroeë sestigerjare was die huis die tuiste van onderwysers wat behuising in Katutura benodig het. In die tagtigs is die huis aan 'n welsynorganisasie vir vrywillige familiesorg met die finansiële ondersteuning van die Nederduitse Gereformeerde Kerk geskenk met die doel om na bejaardes in die gemeenskap om te sien – vandaar die Katutura-ouetehuis,” het hy gesê. Die burgemeester sê die verantwoordelikheid om na bejaardes om te sien, is 'n gedeelde verantwoordelikheid tussen verskeie organisasies, instansies, kerke, individue, gemeenskapsorganisasies en ondernemings. Met die vestiging van die afdeling vir gemeenskapsontwikkeling in 2005, wat nou as die afdeling vir maatskaplike en jeugontwikkeling bekend staan, het die ouetehuis weer die CoW se verantwoordelikheid geword.

Ouetehuis eindelik geregistreer

Kommentaar

Republikein 2026-07-17

Meld asseblief aan om kommentaar te lewer

Ouetehuis eindelik geregistreer

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.