Ouers briesend oor terughou van rapporte

Maria Eiseb - Met die sluiting van staatskole laas week is verskeie ouers uiters omgekrap toe drie hoërskole in Windhoek geweier het om rapporte te gee aan diegene met uitstaande skoolgeld. Volgens van die ouers het die bedrae van N$200 tot N$4 000 gewissel. Wat die ouers verder onstel het, is dat hulle nie verwittig is van enige opgehoopte skuld nie. Indien wel, sou hulle die rekeninge betyds betaal het, sê hulle.'n Skoolhoof, wat nie sy naam genoem wou hê nie, het gesê ouers wat nie tot die skool se ontwikkelingsfonds bygedra het nie, moet eers betaal voordat die rapport gegee sou word.“Ek het gehoor ek moet N$4 000 betaal, maar hoe het die skuld so opgehoop dat ek nie daarvan bewus was nie," wou een van die ouers weet.As dit die geval was dat ons vrywillig moes bydra, is dit mos 'n keuse of ek wil of nie," het nog 'n ouer gesê.“Die permanente sekretaris moet net vir ons sê om weer van voor af skoolfonds te betaal en ons sal dit doen. Ons het dit vir die afgelope hoeveel jaar al gedoen. Hulle moenie wegkruipertjie met ons speel nie," het 'n ma gesê.Die permanente sekretaris van onderwys, kuns en kultuur, me. Sanet Steenkamp, het egter gesê rapporte mag onder geen omstandighede teruggehou word nie - ongeag of die ouer die vrywillige bydrae gemaak het of nie.“Ek sê pertinent skole mag nie die kinders se rapporte terughou nie; moenie skade aan die kind aanrig nie.Een van die ouers het gesê hulle is nooit oor die fondse ingelig nie.'n Onderwyser, wat ook anoniem wou bly, het egter gesê die ouers praat nie die waarheid nie; hulle het briewe gekry en was bewus van die bydraes wat hulle tot die fondse moes maak.Die ouers ontken dit. “Soos ek hier staan, het ek niks brief gekry wat my gesê het van die klompie fondse waarvan hulle praat nie," het een gesê. Volgens Steenkamp is sommige ouers in staat om by te dra, maar ander kan eerlikwaar nie. "As jy kan bydra, hoekom kan jy nie die ekstra myl vir jou kind stap nie," het sy gevra.Sy het gesê die situasie is ongesond, maar ten spyte daarvan doen die skole hul bes om gehalte-onderrig aan die leerlinge te bied.“Ons het baie dubbele standaarde in hierdie land en ouers verwag die skool moet ten volle verantwoordelikheid vir hul kinders neem, en waar plaas hulle hulself as ouers? Dit is 'n moeilike situasie vir ons almal en die kinders word benadeel," het Steenkamp gesê.Die volwassenes, wat die behoeftes van hul kinders op die hart moet dra, het die kinders gefaal."Ouers moet ter wille van die kinders betrokke raak by die skoolaktiwiteite. Ek haal my hoed af vir ouers wat wel hul kinders ondersteun."

Ouers briesend oor terughou van rapporte

Kommentaar

Republikein 2025-06-18

Meld asseblief aan om kommentaar te lewer

Ouers briesend oor terughou van rapporte

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie