Oudste pikkewynfossiel nóg ontdek
Elsabé Brits
Die fossiel van 'n reusepikkewyn wat 1,5 m hoog op sy gewebde pote gestaan het, is ontdek.
Dit is die oudste fossiel wat nóg van 'n pikkewyn gevind is en is sowat 61 miljoen jaar oud. Die navorsing is pas in die vakjoernaal The Science of Nature gepubliseer.
Die fossiel is gevind aan die hedendaagse Waipararivier in Nieu-Seeland se Canterburystreek. Dit is ook bekend vir voëlfossiele wat bewaar gebly het.
Dit verskil van ander primitiewe spesies in die manier waarop hulle geloop het.
Dié spesie is groter as die keiserpikkewyn, die grootste pikkewyn wat vandag bestaan.
Die nuwe vonds is egter nie die grootste pikkewyn wat nog gevind is nie. Die eer gaan aan 'n pikkewyn wat tussen 45 miljoen en 33 miljoen jaar gelede in Antarktika geleef het.
Die feit dat die nuwe spesie so oud is, wys hulle het reeds ontwikkel in die era van die dinosourus, meer as 65 miljoen jaar gelede.
– Netwerk24
Die fossiel van 'n reusepikkewyn wat 1,5 m hoog op sy gewebde pote gestaan het, is ontdek.
Dit is die oudste fossiel wat nóg van 'n pikkewyn gevind is en is sowat 61 miljoen jaar oud. Die navorsing is pas in die vakjoernaal The Science of Nature gepubliseer.
Die fossiel is gevind aan die hedendaagse Waipararivier in Nieu-Seeland se Canterburystreek. Dit is ook bekend vir voëlfossiele wat bewaar gebly het.
Dit verskil van ander primitiewe spesies in die manier waarop hulle geloop het.
Dié spesie is groter as die keiserpikkewyn, die grootste pikkewyn wat vandag bestaan.
Die nuwe vonds is egter nie die grootste pikkewyn wat nog gevind is nie. Die eer gaan aan 'n pikkewyn wat tussen 45 miljoen en 33 miljoen jaar gelede in Antarktika geleef het.
Die feit dat die nuwe spesie so oud is, wys hulle het reeds ontwikkel in die era van die dinosourus, meer as 65 miljoen jaar gelede.
– Netwerk24
Kommentaar
Republikein
Geen kommentaar is op hierdie artikel gelaat nie