Oudste hotel in die land
Tanja Bause – “Die erf is baie groot agter sodat die ossewaens daar kon omdraai toe die mense klaar by die kroeg gekuier het of in die hotel oornag het.”
So vertel mnr. Johann Viljoen, bestuurder van die Bethanie Hotel & Guesthouse. “Van ons kamers was op ’n tydstip die perdestalle.”
Die hotel, wat voor 1880 gebou is, is Namibië se eerste hotel en ook die land se oudste.
Volgens Viljoen was die huidige konferensiesaal destyds die dameskroeg, en in die sitkamer het die mense biljart gespeel.
“In ons huidige ontvangsvertrek het die mense daardie jare lekker gedans,” sê hy.
Van die oorspronklike gebou is daar nog iets te sien, en ná uitbreidings en herstelwerk spog die hotel nou met 15 moderne kamers, ’n swembad en varsgemaakte huiskos wat uit die hoteltuin aangevul word.
Daar is ook ’n toeriste-inligtingsentrum by die gastehuis en mense is welkom om met Viljoen self oor hulle toer te kom gesels.
“Ek is in die Suide gebore en het hier grootgeword. Ek is baie lief vir die land en dit is vir my wonderlik om my land, die geskiedenis, die natuur, mense en lekker kos met ander mense van oral oor die wêreld te deel,” het hy gesê.
Die hotel, wat in die middel tussen Sossusvlei en die Visrivier-spoelvallei is, het ook vier kampeerplekke wat van water en elektrisiteit voorsien is.
So vertel mnr. Johann Viljoen, bestuurder van die Bethanie Hotel & Guesthouse. “Van ons kamers was op ’n tydstip die perdestalle.”
Die hotel, wat voor 1880 gebou is, is Namibië se eerste hotel en ook die land se oudste.
Volgens Viljoen was die huidige konferensiesaal destyds die dameskroeg, en in die sitkamer het die mense biljart gespeel.
“In ons huidige ontvangsvertrek het die mense daardie jare lekker gedans,” sê hy.
Van die oorspronklike gebou is daar nog iets te sien, en ná uitbreidings en herstelwerk spog die hotel nou met 15 moderne kamers, ’n swembad en varsgemaakte huiskos wat uit die hoteltuin aangevul word.
Daar is ook ’n toeriste-inligtingsentrum by die gastehuis en mense is welkom om met Viljoen self oor hulle toer te kom gesels.
“Ek is in die Suide gebore en het hier grootgeword. Ek is baie lief vir die land en dit is vir my wonderlik om my land, die geskiedenis, die natuur, mense en lekker kos met ander mense van oral oor die wêreld te deel,” het hy gesê.
Die hotel, wat in die middel tussen Sossusvlei en die Visrivier-spoelvallei is, het ook vier kampeerplekke wat van water en elektrisiteit voorsien is.
Kommentaar
Republikein
Geen kommentaar is op hierdie artikel gelaat nie