Oudlanddros se verhoor uitgestel

Jacqueline Louw - Me. Hileni Kavara (35), 'n voormalige landdros wat teregstaan op twee strafregtelike klagte, moet op 12 November 2018 weer in die streekhof in Windhoek verskyn.Landdros Elina Nandago het dit Maandag in die streekhof in Windhoek gelas.Die rede vir die uitstel is omdat twee regsverteenwoordigers nie vir Maandag se verhoor beskikbaar was nie.Kavara is op 2 Maart verlede jaar in Rundu in hegtenis geneem. Dit nadat die aanklaer-generaal besluit het om haar aan te kla van die korrupte gebruik van haar posisie vir persoonlike gewin asook die korrupte gebruik van 'n vals dokument. Beide misdrywe is oortredings van die teenkorrupsiewet.Die klagte spruit uit 'n poging deur Kavara in 2015 om te verhoed dat sy borgtoggeld van N$50 000 verloor wat sy vir die vrylating van 'n mansvriend betaal het. Kavara se kêrel was in aanhouding op 'n klag van dwelmhandel.Kavara het in Desember 2015 in die guns van haar mansvriend, mnr. Mohammed Shabani, in sy borgtogaansoek getuig. Shabani het na bewering met kokaïen handel gedryf. Toe Shabani op 26 November 2015 nie vir sy verhoor opgedaag het nie, is die borgtoggeld van N$50 000 aan die staat verbeurd verklaar. Kavara het toe in Desember 2015 'n inskrywing op die hofrekord van Shabani se saak gemaak wat tot die herinstelling van sy borgtog gelei het. Sy het dié inskrywing tot 26 November 2015 terugdateer.Die landdros het Maandag Kavara se borgtog verleng tot haar verskyning in November volgende jaar.Shabani moet sy volgende verskyning op 26 Januarie 2018 in die Katutura-landdroshof maak.Mnr. Erastus Hatutale tree namens die staat op.

Oudlanddros se verhoor uitgestel

Kommentaar

Republikein 2026-10-08

Meld asseblief aan om kommentaar te lewer

Oudlanddros se verhoor uitgestel

Kommentaar

Republikein 2026-10-08

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.