Oudlanddros se aansoek om appél misluk
Regter neem beskerming van vrouens ernstig op
Estelle de Bruyn - Regter Alfred Siboleka het gister die aansoek geweier van oudlanddros Jaco Kennedy om te appelleer nadat sy aansoek om borgtog misluk het.
Kennedy staan op twee klagte van verkragting tereg.
Siboleka het beslis die landdroshof se bevinding dat hy nie borgtog kan kry nie omdat hy ’n gevaar is en hy soortgelyke beweerde oortredings begaan het toe hy ’n vorige keer borgtog gekry het, is geldig.
“Die landdros was wetlik verplig om die grens iewers te stel en te sê genoeg is genoeg. Die aansoeker kan nie terug in die samelewing toegelaat word terwyl ernstige, nuwe beskuldigings van verkragting aan die lig gekom het nie, net omdat die howe ‘altyd waar moontlik borgtog toestaan en oorhel ten gunste van die vryheid van die beskuldigde nie’.
“Dit is om hierdie redes dat die landdros nie borgtog aan die applikant onder hierdie omstandighede toegestaan het nie.
“Daar is geen vooruitsig dat ’n ander hof die applikant onder hierdie omstandighede sal vrylaat nie. Gevolglik word die aansoek om te appelleer van die hand gewys,” het Siboleka gesê.
Kennedy is aanvanklik van verkragting aangekla en is op borgtog vrygelaat.
Terwyl hy op vrye voet was, het nog nuwe beweringe van verkragting aan die lig gekom wat tot sy inhegtenisneming gelei het. Hy het weer aansoek om borgtog gedoen en dit is van die hand gewys.
Die eerste klag van verkragting spruit uit ’n voorval in Januarie 2015 toe hy en sy neef, Ray Cloete, na bewering ’n vrou in die omgewing van die Windhoek Staatshospitaal verkrag het.
In die tweede voorval het ’n vrou wat vir ’n vriendin gewag het om saam ’n taxi werk toe te neem, ’n klag van verkragting teen Kennedy ingedien. Hy het glo by haar stilgehou en aangebied om haar ’n saamrygeleentheid na haar vriendin se huis te gee en hulle dan albei by die werk te gaan aflaai.
Die klaer het na bewering die aanbod aanvaar en in Kennedy se motor geklim. Pleks van na die huis van die vriendin te ry, het Kennedy glo na ’n nabygeleë rivierbedding gery, uitgeklim, geürineer en met die terugklim in die kar van sy klere ontslae geraak en haar sonder toestemming seksueel gemolesteer. Die klaer is hierna glo by haar werk afgelaai waar haar vriendin reeds vir haar gewag het. Hulle het die registrasiemerk van die motor neergeskryf waarna die vriendin die klaer na die polisiekantoor geneem het en ’n klag ingedien is.
Volgens Siboleka het die staat ’n prima facie-saak.
Hy sê die hof sal klaaglik faal indien dit die lot van vrouens as onbelangrik afmaak. “Hierdie weerlose, onbeskermde lede van die gemeenskap vereis die meeste beskerming wat beskikbaar is,” het hy gesê.
Benewens die kommer oor die veiligheid van die slagoffer het Kennedy ook familiebande in Suid-Afrika wat deur die landdros in ag geneem is toe borgtog geweier het, het Siboleka gesê.
Kennedy staan op twee klagte van verkragting tereg.
Siboleka het beslis die landdroshof se bevinding dat hy nie borgtog kan kry nie omdat hy ’n gevaar is en hy soortgelyke beweerde oortredings begaan het toe hy ’n vorige keer borgtog gekry het, is geldig.
“Die landdros was wetlik verplig om die grens iewers te stel en te sê genoeg is genoeg. Die aansoeker kan nie terug in die samelewing toegelaat word terwyl ernstige, nuwe beskuldigings van verkragting aan die lig gekom het nie, net omdat die howe ‘altyd waar moontlik borgtog toestaan en oorhel ten gunste van die vryheid van die beskuldigde nie’.
“Dit is om hierdie redes dat die landdros nie borgtog aan die applikant onder hierdie omstandighede toegestaan het nie.
“Daar is geen vooruitsig dat ’n ander hof die applikant onder hierdie omstandighede sal vrylaat nie. Gevolglik word die aansoek om te appelleer van die hand gewys,” het Siboleka gesê.
Kennedy is aanvanklik van verkragting aangekla en is op borgtog vrygelaat.
Terwyl hy op vrye voet was, het nog nuwe beweringe van verkragting aan die lig gekom wat tot sy inhegtenisneming gelei het. Hy het weer aansoek om borgtog gedoen en dit is van die hand gewys.
Die eerste klag van verkragting spruit uit ’n voorval in Januarie 2015 toe hy en sy neef, Ray Cloete, na bewering ’n vrou in die omgewing van die Windhoek Staatshospitaal verkrag het.
In die tweede voorval het ’n vrou wat vir ’n vriendin gewag het om saam ’n taxi werk toe te neem, ’n klag van verkragting teen Kennedy ingedien. Hy het glo by haar stilgehou en aangebied om haar ’n saamrygeleentheid na haar vriendin se huis te gee en hulle dan albei by die werk te gaan aflaai.
Die klaer het na bewering die aanbod aanvaar en in Kennedy se motor geklim. Pleks van na die huis van die vriendin te ry, het Kennedy glo na ’n nabygeleë rivierbedding gery, uitgeklim, geürineer en met die terugklim in die kar van sy klere ontslae geraak en haar sonder toestemming seksueel gemolesteer. Die klaer is hierna glo by haar werk afgelaai waar haar vriendin reeds vir haar gewag het. Hulle het die registrasiemerk van die motor neergeskryf waarna die vriendin die klaer na die polisiekantoor geneem het en ’n klag ingedien is.
Volgens Siboleka het die staat ’n prima facie-saak.
Hy sê die hof sal klaaglik faal indien dit die lot van vrouens as onbelangrik afmaak. “Hierdie weerlose, onbeskermde lede van die gemeenskap vereis die meeste beskerming wat beskikbaar is,” het hy gesê.
Benewens die kommer oor die veiligheid van die slagoffer het Kennedy ook familiebande in Suid-Afrika wat deur die landdros in ag geneem is toe borgtog geweier het, het Siboleka gesê.
Kommentaar
Republikein
Geen kommentaar is op hierdie artikel gelaat nie