Otji-dok 'gevaar vir samelewing'
Dr. Yevai Chiradza is nog nie aan enige misdaad skuldig bevind nie en daarom kan sy rybewys nie opgeskort word nie.
Denver Kisting - Die Zimbabwiese dokter Yevai Chiradza wat met die dood van drie mense verbind word en wyd opslae maak oor beweerde roekelose en nalatige bestuur, is 'n gevaar vir die samelewing.
Só het die staatsaanklaer, me. Eden Amutenya, gister in die landdroshof op Karibib gesê toe sy in sy strafbare manslagsaak borgtog teengestaan het.
Hiernaas bestaan daar volgens die staat 'n moontlikheid dat Chiradza op die vlug sal slaan omdat hy vanweë 'n “geneigdheid tot soortgelyke misdade” ook weens roekelose en nalatige bestuur asook onbedagsame bestuur op Otjiwarongo gesoek word, het sy gesê. “Hy het amper baie ander ongelukke veroorsaak.” Sy het voorts gesê Chiradza is nog nie aan enige misdaad skuldig bevind nie en daarom kan sy rybewys nie opgeskort word nie.
Omdat Chiradza nie voorverlede week by die hof opgedaag het toe hy op drie aanklagte van strafbare manslag, een van roekelose en nalatige bestuur en een van onbedagsame bestuur moes verskyn nie, het landdros Unchen Konjore hom gister drie maande tronkstraf of 'n N$1 000-boete opgelê.
Mnr. Willem Visser het hom tydens gister se verrigtinge verteenwoordig.
Chiradza het ook 'n doktersbrief by die hof ingedien wat aandui dat hy na bewering aan 'n chroniese toestand ly. Volgens Amutenya het dié dokument egter nie aangedui dat die siekte nie behandel kan word terwyl die pasiënt in aanhouding is nie.
Chiradza se verhoor in verband met 'n noodlottige ongeluk in 2015 wat die lewe geëis het van die susters mee. Welmine Louw en Alet Junius, en Louw se enigste seun, mnr. Konrad Louw, vind op 25 en 26 Junie vanjaar plaas.
Junius se enigste kind, me. Sonja Junius, en haar neef, mnr. Johan Junius, het saam met Chiradza dié gru-ongeluk oorleef.
Om Chiradza se privaatheid te beskerm, wou nóg Amutenya nóg Visser gister die aard en omvang van Chiradza se beweerde chroniese kwaal onthul.
Die Otjiwarongo-saak spruit uit 'n voorval toe 'n Mercedes Benz – glo met Chiradza agter die stuur – onlangs tussen Okahandja en Otjiwarongo verskeie padgebruikers se lewe bedreig het.
'n Motoris het dié gedrag op video vasgelê en dit het soos 'n veldbrand op Facebook versprei.
Só het die staatsaanklaer, me. Eden Amutenya, gister in die landdroshof op Karibib gesê toe sy in sy strafbare manslagsaak borgtog teengestaan het.
Hiernaas bestaan daar volgens die staat 'n moontlikheid dat Chiradza op die vlug sal slaan omdat hy vanweë 'n “geneigdheid tot soortgelyke misdade” ook weens roekelose en nalatige bestuur asook onbedagsame bestuur op Otjiwarongo gesoek word, het sy gesê. “Hy het amper baie ander ongelukke veroorsaak.” Sy het voorts gesê Chiradza is nog nie aan enige misdaad skuldig bevind nie en daarom kan sy rybewys nie opgeskort word nie.
Omdat Chiradza nie voorverlede week by die hof opgedaag het toe hy op drie aanklagte van strafbare manslag, een van roekelose en nalatige bestuur en een van onbedagsame bestuur moes verskyn nie, het landdros Unchen Konjore hom gister drie maande tronkstraf of 'n N$1 000-boete opgelê.
Mnr. Willem Visser het hom tydens gister se verrigtinge verteenwoordig.
Chiradza het ook 'n doktersbrief by die hof ingedien wat aandui dat hy na bewering aan 'n chroniese toestand ly. Volgens Amutenya het dié dokument egter nie aangedui dat die siekte nie behandel kan word terwyl die pasiënt in aanhouding is nie.
Chiradza se verhoor in verband met 'n noodlottige ongeluk in 2015 wat die lewe geëis het van die susters mee. Welmine Louw en Alet Junius, en Louw se enigste seun, mnr. Konrad Louw, vind op 25 en 26 Junie vanjaar plaas.
Junius se enigste kind, me. Sonja Junius, en haar neef, mnr. Johan Junius, het saam met Chiradza dié gru-ongeluk oorleef.
Om Chiradza se privaatheid te beskerm, wou nóg Amutenya nóg Visser gister die aard en omvang van Chiradza se beweerde chroniese kwaal onthul.
Die Otjiwarongo-saak spruit uit 'n voorval toe 'n Mercedes Benz – glo met Chiradza agter die stuur – onlangs tussen Okahandja en Otjiwarongo verskeie padgebruikers se lewe bedreig het.
'n Motoris het dié gedrag op video vasgelê en dit het soos 'n veldbrand op Facebook versprei.
Kommentaar
Republikein
Geen kommentaar is op hierdie artikel gelaat nie