Otavi kry ’n Namcor-vulstasie

10 vulstasies teen 2021

16 July 2018 | Energie
Augetto Graig - Namcor, die staatsonderneming wat die Namibiese mark van brandstof voorsien, het onlangs ’n tender voorgestel om ’n splinternuwe vulstasie op Otavi te bou.

Volgens Namcor se woordvoerder, me. Nangombe Negumbo, sal dit die derde Namcor-vulstasie in die land wees.

Daar is reeds een by die Internasionale Lughawe Hosea Kutako en een op Ongwediva.

Negumbo sê Namcor het reeds die perseel vir die nuwe vulstasie op Otavi aangekoop.

Dit is op die hoek van die B1- nasionale pad en Republiekstraat.

Daar sal Namibiese motoriste alle tipes brandstof kan koop wat plaaslik gebruik word, asook verskeie smeermiddels wat die staatsonderneming verskaf.

’n Geriefswinkel, wat padkos verkoop, sal ook gebou word.

Die aansoekperiode vir tenders sluit op 3 Augustus, en Namcor hoop die nuwe stasie sal teen die einde van Januarie volgende jaar vir besigheid oop wees.

Volgens Negumbo beplan Namcor om teen die jaar 2021 sowat 10 vulstasies oor die land te open.

Sy sê dié vulstasies sal deur uitstekende kliëntediens, gerieflike betalingsoplossings, goeie gehalte brandstof en ’n besige geriefswinkel gekenmerk word.

Aansoekers vir dié tender se tegniese, bestuurs- en finansiële vaardighede, asook hul ervaring van soortgelyke projekte sal in ag geneem word, sê sy.

“Die suksesvolle bieër sal aangestel word ná die verkrygingsproses afgehandel is,” sê Negumbo.

Namcor hoop om deur die bou van hierdie vulstasies hul bronne van inkomste uit te brei, “om sodoende in kommersiële lewensvatbare staatsbesit te wees,” sê sy.

Hulle beoog “volumegroei en verhoogde inkomstevlakke en om erken te word as 'n handelsmerk waarop Namibiërs trots kan wees,” sê Negumbo.

Soortgelyk

 

Verklaar raad nietig, sê Itula

12 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

12 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

12 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

12 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

12 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

12 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

12 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

12 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...

Bank Windhoek sorg vir top- kusvermaak

12 ure gelede | Gebeure

Bank Windhoek is die gasheer van die jaarlikse Summer ­Festival tydens die vakansieseisoen aan die kus. Die fees skop môre af en duur tot 21...