Otavi-kliniek vir maande sonder dokter
Administratiewe rompslomp en 'n kritieke gebrek aan mediese sorg dompel Otavi-inwoners in 'n krisis.
Henriette Lamprecht - Die Otavi-kliniek is reeds vir maande sonder die permanente dienste van ‘n dokter.
Volgens die gemeenskapsaktivis mnr. Johannes Johannes is die kliniek net sekere ure oop. Sou iemand in die dorp of die omliggende gebied ernstig beseer word, word hulle noodgedwonge of na die private dokter of na die staatshospitaal op Otjiwarongo verwys.
“Die mense uit die gemeenskap moet dan op eie koste tot op Otjiwarongo kom, sou hulle nie met ‘n staatsbus wat ook net een keer per week op Woensdae hier verby kom, ‘n plek kry nie,” het Johannes gesê.
Die grootste kommer is egter dat persone wat in ‘n aanranding beseer is en waar ‘n J88-vorm deur ‘n dokter voltooi moet word, nie gehelp kan word nie.
Die J88-vorm is ‘n wettige dokument wat deur ‘n dokter voltooi moet word in enige omstandighede waar ‘n regsondersoek vereis word.
“Sou van die inwoners tydens ‘n roof of ‘n aanranding beseer word, moet hulle nou eers op Otjiwarongo kom waar die vorm deur ‘n dokter ingevul moet word en alvorens die polisie ‘n saak open en die ondersoek begin.”
Teen die tyd wat hulle egter weer na Otavi teruggekeer het, het die verdagtes volgens Johannes hulle weer uit die voete gemaak.
“Dit is nou ‘n ope geheim dat jy kan doen wat jy wil op die dorp, want daar is geen gevolge nie.”
Volgens Johannes is dit veral op einde van die maand en betaaldag wat die aanrandings en roof op die dorp die meeste voorkom.
“Dit is veral bendes van Grootfontein wat hiernatoe kom en mense met messe steek en beroof. Teen die tyd wat die mense ‘n saak met die regte vorm kon open, is die bendes lankal weer weg.”
Volgens Johannes het die dorp ‘n “baie arm gemeenskap” en werk die meeste van dié inwoners op plase of by die myne in die omgewing.
“Word hulle beseer en is die betrokke vorm vir ‘n saak nodig, moet hulle noodgedwonge langs die pad gaan staan om vir ‘n geleentheid Otjiwarongo toe te wag. Wie gaan egter iemand wat bebloed en beseer is sommer net in sy motor laai?”
Hy het voorgestel polisie op die dorp gee aan arm inwoners ‘n tydlyn waarin hulle die vorm, onderteken deur ‘n dokter, kan kry en kan terugbring. “Die ondersoek kan dan intussen begin.”
Volgens hom val klagtes in dié verband op dowe ore en is dit reeds verskeie kere by die dorpsraad aangemeld.
Hy het voorts verwys na die B1-hoofweg wat verby die dorp loop en al etlike lewens in padongelukke geëis het.
“Hier is gereeld ongelukke en ons moet ‘n staatsdokter hier hê om te kan help.
Intussen sê die ministerie van gesondheid en maatskaplike dienste (MoHSS) se waarnemende direkteur van gesondheid vir die Otjozundjpastreek ‘n dokter van Otjiwarongo word weekliks na Otavi gestuur om vir ‘n dag diens by die kliniek te verrig. Volgens mnr. Samuel Shilikomwenyo word nood- en ernstige gevalle vir die res van die week na Otjiwarongo verwys. Shilikomwenyo sê voorts die kliniek het nie ‘n pos vir ‘n permanente dokter nie.
“Vroeër jare was daar ‘n dokter wat hier diens gedoen het, maar geen nuwe persone word meer aangestel nie,” het hy gesê.
Volgens die gemeenskapsaktivis mnr. Johannes Johannes is die kliniek net sekere ure oop. Sou iemand in die dorp of die omliggende gebied ernstig beseer word, word hulle noodgedwonge of na die private dokter of na die staatshospitaal op Otjiwarongo verwys.
“Die mense uit die gemeenskap moet dan op eie koste tot op Otjiwarongo kom, sou hulle nie met ‘n staatsbus wat ook net een keer per week op Woensdae hier verby kom, ‘n plek kry nie,” het Johannes gesê.
Die grootste kommer is egter dat persone wat in ‘n aanranding beseer is en waar ‘n J88-vorm deur ‘n dokter voltooi moet word, nie gehelp kan word nie.
Die J88-vorm is ‘n wettige dokument wat deur ‘n dokter voltooi moet word in enige omstandighede waar ‘n regsondersoek vereis word.
“Sou van die inwoners tydens ‘n roof of ‘n aanranding beseer word, moet hulle nou eers op Otjiwarongo kom waar die vorm deur ‘n dokter ingevul moet word en alvorens die polisie ‘n saak open en die ondersoek begin.”
Teen die tyd wat hulle egter weer na Otavi teruggekeer het, het die verdagtes volgens Johannes hulle weer uit die voete gemaak.
“Dit is nou ‘n ope geheim dat jy kan doen wat jy wil op die dorp, want daar is geen gevolge nie.”
Volgens Johannes is dit veral op einde van die maand en betaaldag wat die aanrandings en roof op die dorp die meeste voorkom.
“Dit is veral bendes van Grootfontein wat hiernatoe kom en mense met messe steek en beroof. Teen die tyd wat die mense ‘n saak met die regte vorm kon open, is die bendes lankal weer weg.”
Volgens Johannes het die dorp ‘n “baie arm gemeenskap” en werk die meeste van dié inwoners op plase of by die myne in die omgewing.
“Word hulle beseer en is die betrokke vorm vir ‘n saak nodig, moet hulle noodgedwonge langs die pad gaan staan om vir ‘n geleentheid Otjiwarongo toe te wag. Wie gaan egter iemand wat bebloed en beseer is sommer net in sy motor laai?”
Hy het voorgestel polisie op die dorp gee aan arm inwoners ‘n tydlyn waarin hulle die vorm, onderteken deur ‘n dokter, kan kry en kan terugbring. “Die ondersoek kan dan intussen begin.”
Volgens hom val klagtes in dié verband op dowe ore en is dit reeds verskeie kere by die dorpsraad aangemeld.
Hy het voorts verwys na die B1-hoofweg wat verby die dorp loop en al etlike lewens in padongelukke geëis het.
“Hier is gereeld ongelukke en ons moet ‘n staatsdokter hier hê om te kan help.
Intussen sê die ministerie van gesondheid en maatskaplike dienste (MoHSS) se waarnemende direkteur van gesondheid vir die Otjozundjpastreek ‘n dokter van Otjiwarongo word weekliks na Otavi gestuur om vir ‘n dag diens by die kliniek te verrig. Volgens mnr. Samuel Shilikomwenyo word nood- en ernstige gevalle vir die res van die week na Otjiwarongo verwys. Shilikomwenyo sê voorts die kliniek het nie ‘n pos vir ‘n permanente dokter nie.
“Vroeër jare was daar ‘n dokter wat hier diens gedoen het, maar geen nuwe persone word meer aangestel nie,” het hy gesê.
Kommentaar
Republikein
Geen kommentaar is op hierdie artikel gelaat nie