Oshikoto: Beserings in tweede padongeluk in minder as 24 uur

Tuyeimo Haidula op Oshakati – Binne ’n tydperk van minder as 24 uur het die polisie in die Oshikotostreek nóg ’n geval van roekelose en nalatige bestuur aangeteken waarby drie voertuie betrokke was.Dit nadat vier mense glo Maandag betrokke was in nog ’n motorongeluk op die hoofpad tussen Otavi en Tsumeb. Die drie passasiers in dié voertuig, me. Paula Ndishita (41) en mnre. Ruben Shikongo (43) en Simon Nghiteeka (53), het almal matige beserings opgedoen en is in ’n stabiele toestand in die Lombard-staatshospitaal op Tsumeb opgeneem.Volgens die polisie het die Toyota Quantum-minibus met ’n Walvisbaai-registrasiemerk omgeslaan nadat die bestuurder glo beheer verloor het toe dit begin gly het as gevolg van diesel wat in die pad gemors is.Die 31-jarige bestuurder, mnr. Kandonga Vitalis, het geen beserings opgedoen nie.Gister het ’n bus én ’n sedanvoertuig teen ’n stilstaande vragmotor op die pad tussen Oshivelo en Omuthiya gebots. Die ongeluk het sowat 20 km buite Omuthiya naby die dorpie Omutsewonime in die Oshikotostreek plaasgevind.Die hoof van misdaadvoorkoming in die Oshikotostreek, adj.komm. Petrus Shigwedha, het aan ons susterkoerant Namibian Sun gesê vyf mense was in die ongeluk betrokke, van wie twee matige beserings opgedoen het.Shigwedha het gesê die bestuurder van die vragmotor, mnr. Petrus Shailemo (44), het glo vanuit die rigting van Oshivelo na Omuthiya gery toe hy van agter af deur ’n bestuurder in ’n ander voertuig voorgekeer is, wat hom ingelig het dat sy noodwiel uitgeval het en in die pad lê. Volgens Shigwedha het die bestuurder besluit om ’n U-draai te maak om sy noodwiel te gaan kry, maar die vragmotor het vasgeval terwyl die sleepwa-gedeelte steeds op die pad was. Die deel wat op die pad gebly het, het die pad die hele nag lank versper.Die Oshikotostreek is oënskynlik ’n brandpunt waarin sedert die begin van 2022 ’n groeiende aantal padongelukke aangeteken is.Einde verlede jaar het die Wêreldgesondheidsorganisasie (WHO) berig Namibië het die hoogste aantal padsterftes per 100 000 inwoners ter wêreld. ’n Onlangse studie deur die Universiteit van Michigan se Vervoernavorsingsinstituut dui aan Namibiërs se risiko is 53% groter om in ’n padongeluk te sterf as aan kanker. Namibië teken jaarliks gemiddeld meer as 19 000 padongelukke aan, waarin meer as 700 sterftes voorkom en meer as 7 000 mense beseer word. – republikein@republikein.com.naFOTO‘n Bus én ‘n sedanvoertuig het Dinsdag sowat 20 km buite Omuthiya teen ‘n stilstaande vragmotor op die hoofpad na Oshivelo gebots. Foto Verskaf

Oshikoto: Beserings in tweede padongeluk in minder as 24 uur

Kommentaar

Republikein 2026-03-20

Meld asseblief aan om kommentaar te lewer

Oshikoto: Beserings in tweede padongeluk in minder as 24 uur

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.