Oscars dié jaar in talle blink mense se hande

Die eerste aanbieders vir vanjaar se Oscaraand op 25 April is bekend gemaak.Hulle is onder andere die akteurs Harrison Ford, Brad Pitt, Joaquin Phoenix, Laura Dern, Renée Zellweger, Angela Bassett, Halle Berry, asook die regisseur van verlede jaar se groot Oscarwenner, Parasite, Bong Joen Ho.Soos gebruiklik gaan die vier wenners van verlede jaar se goue beeldjies die Oscars aan vanjaar se wenners oorhandig. Phoenix het die prys as beste akteur gewen vir Joker, en Zellweger was beste aktrise vir Judy. Die Oscars vir beste byspelers is gewen deur Pitt vir Once Upon a Time in Hollywood en Dern vir Marriage Story. Nog aanbieders sal later bekend gemaak word. Dit blyk dat daar soos die afgelope twee jaar nie ’n gasheer of -vrou gaan wees nie, maar talle aanbieders.Die Oscars word weens Covid-19 vanuit twee plekke aangebied – die Union Station in Los Angeles en die gebruiklike venue, die spoggerige Dolby-teater in Hollywood.Die vervaardigers van vanjaar se Oscarseremonie is die regisseur Jesse Collins, die vervaardiger Stacey Sher en die regisseur Steven Soderbergh. Luidens ’n verklaring gaan die aand soos ’n rolprent afspeel en volgens Indiewire meen die drie dat mense sonbrille sal moet opsit danksy al die skitterblink sterre in die vertrek.Die rolprent Mank is voor in die koor met tien Oscar-benoemings, terwyl die prente The Father, Judas and the Black Messiah, Minari, Nomadland, Sound of Metal en The Trial of the Chicago 7, elk ses benoemings ontvang het.Volg die bedrywighede op DStv-kanaal 124 vanaf 23:00 op Sondagaand 25 April. Die Oscarseremonie begin om 01:30 op 26 April (Maandagoggend). - Netwerk24

Oscars dié jaar in talle blink mense se hande

Kommentaar

Republikein 2026-05-06

Meld asseblief aan om kommentaar te lewer

Oscars dié jaar in talle blink mense se hande

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.