Oranjemund se hekke swaai oop

Yochanaan Coetzee op Oranjemund - Oomblikke nadat die hekke van Oranjemund se Swartkop-beheerpunt die afgelope Saterdag seremonieel oopgestoot is, is dié beheerpunt se valhek wat die myndorpie 81 jaar reeds van die res van Namibië skei, verwyder.Dié seremonie is deur mnr. Alpheus !Naruseb, minister van werke en vervoer, mnr. Henry Coetzee, Oranjemund se burgemeester, mnr. Tony Bessinger, hoof van Namdeb se transformasiekomitee, en mnr. Wayne Handley, van die ministerie van die omgewing, behartig.“Dis ‘n baie emosionele geleentheid vir ons,” het Bessinger gesê, wat al meer as 30 jaar op die dorp woon. “Ek het in 1985 hier kom woon en het nooit gedink die dag sou kom dat ons die dorp vir die wêreld oopstel nie, maar vandag is ons hier en ek glo dit was die beste besluit - nie net vir ons as Oranjemunders nie, maar ook vir die land.”Oranjemund het in 1935 ontstaan om die werknemers van een van die wêreld se produktiefste diamantmyne te huisves.Vyf jaar ná die nedersetting as ’n dorp geproklameer is, heers opgewondenheid sowel as onsekerheid oor wat die toekoms vir die dorp mag inhou. “Die transformasieproses was nie maklik nie, veral omdat die dorp vir byna ‘n honderd afgesonder was,” het Coetzee gesê.“Natuurlik was daar aanvanklik botsende emosies onder die inwoners wat jare lank op ‘n beskermde, afgesonderde myndorp gewoon het.“Maar danksy die toewyding en bekwaamheid van die mense betrokke by die oorgangsproses, het dit vlot verloop. Ons sien uit na ‘n blink toekoms vol verandering en vooruitgang,” het Coetzee gesê.Die geskiedkundige geleenthied is deur talle Oranjemunders, binne- en buitelandse beleggers, besoekers en belangstellendes gevier.“Dit was hoog tyd dat Oranjemund vir die publiek oopgestel word. Die vrye beweging van mense en goedere, soos in die landswet gestipuleer, sal mense die geleentheid gee om ondernemings in ‘n vrye mark te bedryf en sal die deur vir burgers oopmaak om in die dorp te belê,” het !Naruseb gesê.“Die dorp se transformasie het pas begin, maar ons moedig almal aan om saam te staan om Oranjemund ‘n dorp te maak wat ander bewonder.”Die opening is gevier met ‘n gedenkplaat en kennisgewingbord wat Oranjemund se agenda vir 2030 aankondig, asook die hernoeming van ‘n hoofstraat na Dr. Hage Geingob en die ontwikkeling van die nuwe N$130 miljoen Riverside Mall-kompleks deur die Safland-groep.Vrydag is die nuwe teerpad van 98 km na die dorp amptelik geopen wat burgers, beleggers en besoekers beter toegang tot die dorp sal gee. Sodoende kan Oranjemund sy doelstellings vir 2030 bereik, het prokureur-generaal Sacky Shanghala by die openingsgeleentheid gesê.

Oranjemund se hekke swaai oop

Kommentaar

Republikein 2026-06-26

Meld asseblief aan om kommentaar te lewer

Oranjemund se hekke swaai oop

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.