Oranje: Oorstromings ‘haas onafwendbaar’

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou “haas onafwendbaar”.Dit volg ná swaar reën sedert die naweek in die opvangsgebiede van die Vaal- en Oranjerivier geval het. Die vier opgaardamme in die Vaal- en Oranjerivierstelsel – die Vaal-, Bloemhof-, Gariep- en Vanderkloofdam – is almal meer as 100% vol.Hulle vlakke is tans op onderskeidelik 110,5%, 112,1%, 112,3% en 107,2%.Inwoners van die dorpe Bloemhof en Christiana wie se huise na aan die oewer van die Vaalrivier is, het begin om hul huise te ontruim nadat die Vaal- en Bloemhofdam se sluise oopgemaak is. Die dagblad Beeld het gister foto’s geplaas wat wys hoe water deur huise stroom.Oewerboere moes ook die pompe waarmee hulle landerye uit die Vaalrivier besproei, na hoër gebiede verskuif.Intussen het die Katsedam in die Lesotho-Hoogland-skema ook Sondag begin oorloop. Dié dam se water vloei na die Gariepdam.Mnr. Wilco Fourie, voorsitter van die Oranjerivier-landbou-unie, sê boere wat stroomaf langs die Benede-Oranjerivier boer, moet gereed maak vir vinnig stygende watervlakke.Hy deel daagliks inligting oor die dam- en riviervlakke in die Vaal- en Oranjerivierstelsel met oewerboere langs die rivier.Hy sê die departement van water en sanitasie verwag die Oranjerivier se vloei sal op 23 Januarie by Katlani 3 600 kumek (kubieke meter water per sekonde) bereik.Katlani is nie ver van waar die Vaal- en die Oranjerivier in mekaar vloei nie en is die eerste punt waar die Benede-Oranjerivier se vlak gemeet word. Van daar af vloei die water omtrent 150 km per dag. “Teen die 27ste of 28ste kan die riviervloei by Katlani tot 4 000 kumek of meer styg,” sê hy. Dit is volgens hom bykans 1 400 kumek méér as aan die begin van Januarie vanjaar en 1 000 kumek meer as tydens verlede jaar se piek.Tydens vorige groot vloedjare het die Oranjerivier eers teen einde Februarie of vroeg in Maart sy piek bereik.“Ons bly op ons knieë hoop nie die rivier se vlakke gaan later in die seisoen nog hoër styg nie,” hy het aan Republikein gesê.Volgens Fourie is 4 000 kumeb reeds “kritiek” en bo 4 500 kumeb ly oewerboerderye skade weens oorstromings.Volgens ’n infografiek op die Facebook-blad, LandWater, was die watervloei op 7 Maart 1974 by Upington 8 315 kumek en die rivier se hoogte was 9,9 m.Die infografiek wys die rivier se hoogste vlakke vanaf 1936, wat ook ’n vloedjaar was.Die tweede grootste vloed was in 1988 toe die watervloei op 28 Februarie by Upington op 7 403 kumek gepiek het, met ’n hoogte van 9,4 m.NOORDOEWERDie vloedgolf sal Noordoewer na verwagting teen volgende naweek bereik. Die boerdery Omega Farms het vroeg in Januarie met die kleiner vloedgolf water reeds oorstroom.Mnr. Abé Olivier het aan Monique Adams van Republikein se kantoor op Keetmanshoop gesê 4 hektaar se gewasse was onder water. Hy sê hulle hou die situasie fyn dop. – ronelle@republikein.com.naFOTODié foto van die Oranjerivier in vloed is vroeg vandeesmaand by Velloorsdrif geneem. Aan die Suid-Afrikaanse kant van die rivier by Onseepkans is een van die talle oewerboerderye te sien. Foto Verskaf

Oranje: Oorstromings ‘haas onafwendbaar’

Kommentaar

Republikein 2025-11-03

Meld asseblief aan om kommentaar te lewer

Oranje: Oorstromings ‘haas onafwendbaar’

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.