Opwarm-proewe sal insig op 2018 bied

Andrew PoolmanNa afloop van 'n meer produktiewe afseisoen en voorseisoen as tevore, word die gereedheid van die Windhoek Draught Welwitschias vanaand vir hul komende aanslag op die SuperSport uitdaagreeks getoets.Die vriendskaplike wedstryd teen die Namibiese Barbarians uitnodigingspan se afskoptyd is om 19:00 in die Hage Geingob-stadion. Geen toegangsgeld word gehef nie.“Al die spelers in die uitnodigingspan het ook hoë ambisie om te wys dat hulle voor die einde van die seisoen 'n plek in die Namibiese span verdien,” sê mnr. Flip Louw, spanbestuurder van die Barbarians.Onder afrigterskap van die gewese Namibiese flank Tinus du Plessis het die Barbarians gisteraand hul enigste oefensessie saam gehad.Hulle is nietemin oorgehaal om die uitsoekgroep 'n ding of twee te wys en omdat al die spelers mekaar redelik goed ken, kan 'n mens verwag dat die opposisie mekaar goed aan bande behoort te lê.“'n Paar goeie spelers van FNB Unam moes hulle weens ligte beserings in laas naweek se klubwedstryde onttrek, soos Silvano Beukes, Camlo Martin, Milaan van Wyk en Freddy Puriza. “Weens beserings kon ons ook niemand van FNB Western Suburbs gebruik nie,” sê Louw.“As die skeidsregter dit toelaat, is ons voorneme om met tipiese Barbarian-hardlooprugby die Welwitschias vir die volle 80 minute besig te hou,” sê hy.Die flank Rohan Kitshoff sal as kaptein 'n ervare span Welwitschias aanvoer. FNB Unam se Helarius Kisting kry kans om die nommer 10-trui van Theuns Kotzé vol te staan, wat in die afseisoen na Suid-Afrika verhuis het en nog oorweeg of hy dié seisoen sy terugkeer tot groot rugby wil maak.Selfs in die afwesigheid van Kotzé, die land se rekordpuntemaker in toetsrugby, beskik beide die agterlyn en die agttal oor kombinasies wat reeds op Curriebeker- en Afrikabeker-toetsvlak beproef is.Met die Wallieser Lyn Jones, Roger Thompson, JP Nel en Jaco Engels wat hul samewerking as afrigterspan voortsit, sal die Welwitschias gewis op die uitkyk wees om die spinnerakke van die afseisoen so gou moontlik af te skud en weer die kontinuïteit te vind waarmee hulle in die tweede helfte van laas jaar hou vir hou hul slaankrag teen die spanne in die Curriebeker B-afdeling gewys het.Die Windhoek Draught Welwitschias, wat vir vanjaar se veldtog weer vir FNB Namibia as 'n medeborg het, se wedstrydprogram in die Supersport uitdaagreeks begin op 21 April met 'n tuiswedstryd teen die Valke.Hul daaropvolgende program is teen die Blou Bulle in Pretoria 'n week later; die Goue Leeus tuis op 5 Mei; die Steval Pumas op 12 Mei in Windhoek en die wegwedstryd teen die Valke op 26 Mei.In Juniemaand se eerste drie naweke speel die Namibiërs teen die Blou Bulle tuis, die Goue Leeus weg en die Pumas tuis.Die kompetisie se kwarteindstryde is op 30 Junie, met semifinale op 7 Julie en die eindstryd 'n week later.Die Windhoek Draught Welwitschias vir vanaand: 15 Mahco Prinsloo, 14 Janry du Toit, 13 JC Greyling, 12 Darryl de la Harpe, 11 Gino Wilson, 10 Helarius Kisting, 9 Eugene Jantjies, 8 Adriaan Booysen, 7 Rohan Kitshoff (kaptein), 6 Leneve Damens, 5 Mahepisa Tjeriko, 4 Ruan Ludick6 Leneve Damens, 3 AJ de Klerk, 2 Obert Nortjé, 1 Desiderius Sethie.Reserwes: Gerhard Lötter, Herman Grobler, Hans Breedt, Denzil van Wyk, Diamondo Tjombe, Max Katjijeko, Cameron Langenhoven, Royal Otto, PW Steenkamp, Russell van Wyk, Chrysander Botha, Tuna Amutenya.Die Namibiese Barbarian-span:15 Riaan van Zyl (United), 14 Paulus Hangula (Rehoboth), 13 Tuna Amutenya (United), 12 Johann Tromp (Wanderers), 11 Chess Lawrence (Unam), 10 Hanreco van Zyl (United), 9 Dian von Solms (Wanderers), 8 Naudé Neethling (United), 7 Reinhardt Carelse (Unam), 6 Gilad Plaatjies (Namibië o.20), 5 Nick Kotzee (Unam), 4 Winmar Rust (kaptein, United), 3 Jason Benade (United), 2 Niël van Vuuren (United), 1 Nian Berg (Wanderers).Reserwes: Theo Coetzee (Wanderers), Frank Mowa (Unam), Dewald Coetzee (United), Driaan Vorster (Wanderers), Lezardo Vos (Kudus), Dirk von Weidts (Wanderers), Brandon Dentlinger (Rehoboth), Francois Wiese (Wanderers), Denver Murorua (Unam), Hauta Veii (Unam).• Regstreekse videostroom behoort op TeeVee Africa beskikbaar te wees, wat as toepassing op slimfone gratis by Google Play of die Apple APP Store afgelaai kan word.

Opwarm-proewe sal insig op 2018 bied

Kommentaar

Republikein 2025-12-16

Meld asseblief aan om kommentaar te lewer

Opwarm-proewe sal insig op 2018 bied

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.