Opul hou ‘opsies oop’ vir ruolie
Die Organisasie van Petroleumuitvoerlande (Opul) sê hy en sy vennote sal alle opsies “ooplaat” om te verseker die oliemark “herbalanseer”.
Die gesamentlike ministeriële komitee wat verantwoordelik is vir die monitering van die ooreenkoms (JMMC) het Saterdag gesê dat produserende lande in September ’n rekord-hoogte-ooreenstemmingsvlak behaal het.
Luidens ’n verklaring op Opul se webwerf is daar met 120% aan vrywillige produksie-aanpassings voldoen.
“Die JMMC sal aanhou om ander faktore in die oliemark en hul uitwerking op die herbalansering van die mark te monitor.
“Alle opsies word oopgelaat om te verseker die mark word tot voordeel van almal geherbalanseer,” sê die verklaring.
Die 24 lande wat olie produseer, het in Desember ingestem om produksie met 1,8 miljoen vate per dag te sny.
Dié ooreenkoms sou oorspronklik vir ses maande van krag wees.
Die lande het egter reeds die ooreenkoms aangepas. Dit is nou tot einde Maart 2018 verleng.
Die lande wil die hoeveelheid ruolie wat tans gestoor word, verminder.
Die JMMC sê in die verklaring kommersiële olievoorraad in lande wat aan die Organisasie vir Ekonomiese Samewerking en Ontwikkeling (Oeso) behoort, het sedert die begin van vanjaar reeds met 178 miljoen vate gedaal.
Opul en sy vennote vergader op 30 November in Wene.
Die JMMC sal die dag voor die tyd ook vergader.
Ruolie het Saterdag teen US$57,87 per vat verhandel. – Netwerk24/Bloomberg, verwerk
Die gesamentlike ministeriële komitee wat verantwoordelik is vir die monitering van die ooreenkoms (JMMC) het Saterdag gesê dat produserende lande in September ’n rekord-hoogte-ooreenstemmingsvlak behaal het.
Luidens ’n verklaring op Opul se webwerf is daar met 120% aan vrywillige produksie-aanpassings voldoen.
“Die JMMC sal aanhou om ander faktore in die oliemark en hul uitwerking op die herbalansering van die mark te monitor.
“Alle opsies word oopgelaat om te verseker die mark word tot voordeel van almal geherbalanseer,” sê die verklaring.
Die 24 lande wat olie produseer, het in Desember ingestem om produksie met 1,8 miljoen vate per dag te sny.
Dié ooreenkoms sou oorspronklik vir ses maande van krag wees.
Die lande het egter reeds die ooreenkoms aangepas. Dit is nou tot einde Maart 2018 verleng.
Die lande wil die hoeveelheid ruolie wat tans gestoor word, verminder.
Die JMMC sê in die verklaring kommersiële olievoorraad in lande wat aan die Organisasie vir Ekonomiese Samewerking en Ontwikkeling (Oeso) behoort, het sedert die begin van vanjaar reeds met 178 miljoen vate gedaal.
Opul en sy vennote vergader op 30 November in Wene.
Die JMMC sal die dag voor die tyd ook vergader.
Ruolie het Saterdag teen US$57,87 per vat verhandel. – Netwerk24/Bloomberg, verwerk
Kommentaar
Republikein
Geen kommentaar is op hierdie artikel gelaat nie