Optogte teen anti-semitisme in Frankryk gehou

Optogte en vergaderings teen anti-semitisme gaan oor Frankryk heen gehou word ná ’n reeks voorvalle van anti-semitisme wat die land geskok het.Duisende betogers word Dinsdag en Woensdag ná oproepe deur politieke partye op straat verwag. Verskeie regeringsmense word ook verwag, berig die webtuiste Le Local.Frankryk het die wêreld se grootste Joodse bevolking buite Israel en Amerika. ’n Opbloei in anti-semitisme het in die naweek ’n klimaks bereik toe ’n vooraanstaande filosoof, Alain Finkielkraut, deurgeloop het onder ’n vloed van haatspraak toe hy hom vasgeloop het in die geelbaadjie-betogers in Parys.Die stil mars word ook gehou ná die wrede moord op Mireille Knoll (85), ’n Joodse vrou, wat die Joodse gemeenskap geskok hetMarine le Pen, leier van die regse Nasionale Front in Frankryk, en ander verregse politici gaan aan die optog deelneem al het die Joodse gemeenskap gevra dat sy nie moet nie, berig Le Local.Francis Kalifat van ’n sambreelgroep van Frans-Joodse organisasies het aan Le Pen en haar party gesê hulle is nie welkom nie.Nogtans het Le Pen se party in ’n verklaring gesê sy is geraak deur die moord op Knoll en sal aan die optog deelneem. Sy doen die laaste jare moeite om die party se beeld as ’n rassistiese, anti-semitiese groep te versag.AANTAL VOORVALLEDie Ottawa Citizen berig die aanval op Knoll was enkele dae nadat dit bekend geword het dat daar ’n groot styging was in anti-semitiese gevalle in Frankryk. In die laaste jaar was daar 541 amptelike voorvalle, 74% meer as die 311 die vorige jaar.Kommer bestaan in Frankryk oor die anti-semitisme by die geelbaadjiebetogings.“Dit is baie ernstig,” sê Vincent Duclert, ’n kenner van anti-semitisme in Frankryk, berig die BBC.“Die geelbaadjies is nie per se anti-semities nie, maar by hul betogings elke Saterdag word daar baie anti-semitiese stellings gehoor deur ekstreme regse en linkse groepe.”Volgens Jean-Yves Camus, ’n kenner van ekstreme politiek in Frankryk, kan jy Saterdae op die strate wees en jou slagspreuke teen die Jode uitskreeu.“Daar is geen leierskap in die geelbaadjieprotes nie en geen beamptes by die optogte nie, daarom kan jy doen wat jy wil. Ek is bevrees daar gaan meer aanvalle wees, want die selfaangestelde leiers gee net eenvoudig nie juis om nie.” – Netwerk24

Optogte teen anti-semitisme in Frankryk gehou

Kommentaar

Republikein 2025-11-05

Meld asseblief aan om kommentaar te lewer

Optogte teen anti-semitisme in Frankryk gehou

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.