Opposisie: Verwyder Katrina
Hoewel die oudminister van onderwys, kuns en kultuur se vonnis verwelkom word, is die gevoel dat meer parlementslede verantwoordbaar gehou moet word.
Catherine Sasman – Die jeugliga van die Popular Democratic Movement (PDMYL) het ‘n beroep gedoen dat die veroordeelde oudgoewerneur van die Hardapstreek en oudminister van onderwys, kuns en kultuur, me. Katrina Hanse-Himarwa, uit die Nasionale Vergadering verwyder word.
Hanse-Himarwa is op korrupsieklagte gevonnis tot ‘n boete van N$50 000 of tronkstraf van twee jaar sou sy dit nie betaal nie, sowel as tronkstraf van ‘n jaar opgeskort vir vyf jaar.
Die PDMYL se sekretaris-generaal, mnr. Benson Katjirijova, het die vonnis deur regter Christi Liebenberg verwelkom en gesê dit wys die wet is onpartydig en niemand is daarbo verhewe nie.
Katjirijova sê die vonnis weerspieël die “beste moontlike uitkoms” wat die staat kon kry. Hy het egter gemaan die NV kan nie voortgaan om die “veroordeelde misdadigers” van die regerende party te huisves nie.
“Dit wil voorkom asof die NV nou die stortingsterrein vir gevalle Swapo-politici is waar hulle die laaste dae van hul omstrede politieke loopbane kan deurbring,” het Katjirijova gesê.
Hy het ‘n beroep op die regerende party gedoen om “alle misdadigers” uit die parlement te verwyder.
“Lede van die NV moet die hoogste waardes en etiek handhaaf. Om mense soos Katrina Hanse-Himarwa in die NV te hê, ondersteun nie die waardigheid daarvan nie,” het hy gesê.
Die Landless People’s Movement (LPM) se adjunkleier, mnr. Hennie Seibeb, wou hom nie oor Hanse-Himarwa se vonnis uitlaat nie, maar het gesê dit is belangrik dat korrupsie op alle fronte bestry word.
“As jy groter ekonomiese groei wil hê, moet jy korrupsie uitroei omdat dit per definisie in die openbare en private sfere plaasvind. Doen jy dit nie, val dinge uitmekaar en jy moet beslissend optree,” het Seibeb gesê.
Hy het bygevoeg enige politikus “gelei deur ‘n morele perspektief moet uittree voordat hy of sy gevra word”, sou die persoon hom of haar in die posisie van Hanse-Himarwa bevind.
“Sy moes uitgetree het en ‘n rehabilitasieproses ondergaan het om te wys sy is waardig vir enige hoë posisie of verantwoordelikheid,” sê Seibeb.
Hy het voorgestel Hanse-Himarwa “kan gemeenskapswerk doen” om berou te toon. Nog ‘n voorstel is dat mnr. Tobi Aupindi ook die eerbare ding doen en as lid van Swapo se politburo en sentrale komitee uittree. Aupindi het ‘n boete van N$50 000 gekry nadat hy aan ‘n oortreding van die Teenkorrupsiewet skuldig bevind is.
“Daar is verskeie mense in die parlement wat by die vermiste miljoene in die GIPF- en SME Bank-sages betrek word. Dit is ‘n kriminele kabaal, ‘n verborge staat. Hulle moet opdrag gegee word om hul parlementêre poste te ontruim.”
[email protected]
Hanse-Himarwa is op korrupsieklagte gevonnis tot ‘n boete van N$50 000 of tronkstraf van twee jaar sou sy dit nie betaal nie, sowel as tronkstraf van ‘n jaar opgeskort vir vyf jaar.
Die PDMYL se sekretaris-generaal, mnr. Benson Katjirijova, het die vonnis deur regter Christi Liebenberg verwelkom en gesê dit wys die wet is onpartydig en niemand is daarbo verhewe nie.
Katjirijova sê die vonnis weerspieël die “beste moontlike uitkoms” wat die staat kon kry. Hy het egter gemaan die NV kan nie voortgaan om die “veroordeelde misdadigers” van die regerende party te huisves nie.
“Dit wil voorkom asof die NV nou die stortingsterrein vir gevalle Swapo-politici is waar hulle die laaste dae van hul omstrede politieke loopbane kan deurbring,” het Katjirijova gesê.
Hy het ‘n beroep op die regerende party gedoen om “alle misdadigers” uit die parlement te verwyder.
“Lede van die NV moet die hoogste waardes en etiek handhaaf. Om mense soos Katrina Hanse-Himarwa in die NV te hê, ondersteun nie die waardigheid daarvan nie,” het hy gesê.
Die Landless People’s Movement (LPM) se adjunkleier, mnr. Hennie Seibeb, wou hom nie oor Hanse-Himarwa se vonnis uitlaat nie, maar het gesê dit is belangrik dat korrupsie op alle fronte bestry word.
“As jy groter ekonomiese groei wil hê, moet jy korrupsie uitroei omdat dit per definisie in die openbare en private sfere plaasvind. Doen jy dit nie, val dinge uitmekaar en jy moet beslissend optree,” het Seibeb gesê.
Hy het bygevoeg enige politikus “gelei deur ‘n morele perspektief moet uittree voordat hy of sy gevra word”, sou die persoon hom of haar in die posisie van Hanse-Himarwa bevind.
“Sy moes uitgetree het en ‘n rehabilitasieproses ondergaan het om te wys sy is waardig vir enige hoë posisie of verantwoordelikheid,” sê Seibeb.
Hy het voorgestel Hanse-Himarwa “kan gemeenskapswerk doen” om berou te toon. Nog ‘n voorstel is dat mnr. Tobi Aupindi ook die eerbare ding doen en as lid van Swapo se politburo en sentrale komitee uittree. Aupindi het ‘n boete van N$50 000 gekry nadat hy aan ‘n oortreding van die Teenkorrupsiewet skuldig bevind is.
“Daar is verskeie mense in die parlement wat by die vermiste miljoene in die GIPF- en SME Bank-sages betrek word. Dit is ‘n kriminele kabaal, ‘n verborge staat. Hulle moet opdrag gegee word om hul parlementêre poste te ontruim.”
[email protected]
Kommentaar
Republikein
Geen kommentaar is op hierdie artikel gelaat nie