Opposisie, Itula gaan hof toe oor verkiesings

PDM gooi gewig agter tandarts

05 December 2019 | Politiek
Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook die Verkiesingskommissie van Namibië (ECN) voor die hof daag.

Dít kom nadat dit Dinsdagaand rugbaar geword het die onafhanklike presidensiële kandidaat, dr. Panduleni Itula, wil opnuut met die ECN in die hof swaarde kruis.

Volgens Venaani gaan Itula en opposisiepartye waarskynlik gesamentlik die nasionale kiesliggaam oor die uitslae van verlede week se verkiesings hof toe sleep.

’n Brief deur me. Elize Angula is eergisteraand op die ECN beteken waarin Itula hulle tot vandag voor 12:00 kans gee om volledige kiesmateriaal aan die tandarts beskikbaar te stel.

Angula is Itula se derde regsverteenwoordiger in minder as twee weke.

Tydens ’n onlangse dringende aansoek voor die verkiesingstribunaal oor die gebruik van elektroniese stemtoestelle (EVM’s) in die afgelope verkiesings het mnr. Henry Shimutwikeni namens hom opgetree.

’n Dag nadat die tribunaal nie in sy guns beslis het nie, was hy tot in die nánag in die hoërhof – dié keer met ’n ander prokureur, mnr. Titus Ipumbu, aan sy sy.

Itula het ook tydens dié dringende aansoek in die stof gebyt – enkele ure voor Namibiërs stembus toe is op 27 November.

EVM’s is toe wel tydens die presidensiële en Nasionale Vergadering-verkiesings gebruik.

Namens die tandarts vra Angula in die jongste aflewering van die voortslepende sage dat die ECN vandag alle tersaaklike stemvorms van stembusse verskaf, insluitend skryfbehoeftes wat gebruik is.

Hy wil alle voor-kiesvorms hê met die besonderhede van alle kieserregistrasiekaarte wat deur elke kieser onderteken is.

Itula wil ook alle uitgedrukte kiesuitslae hê wat buite stempunte opgeplak is, en toegang tot al die apparatuur van alle EVM’s en stemversameltoerusting, insluitend alle reeksnommers.

Die tandarts wil ook voor middagete vandag die name van alle voorsittende stembusbeamptes en kiesafdelingbeamptes hê.

Voorvalboeke wat by alle stempunte bygehou moes word, is ook in sy visier.

Angula dring voorts namens hom aan op alle rekords van opgraderings, dienste en instandhouding van EVM’s se programmatuur en apparatuur.

Hy wil ook toegang hê tot alle deskundiges of personeellede wat voor die verkiesings die masjiene ondersoek of daartoe toegang gehad het.

Boonop wil hy bewyse hê dat EVM’s ondersoek is.

Sou die nasionale kiesliggaam nie voor middagete aan dié versoek gehoor gee nie, sal sy die hooggeregshof namens Itula nader, skryf Angula aan die ECN.

Die prokureur lig die ECN voorts in dat Itula hom in elk geval tot die hoogste hof in die land sal wend oor verlede week se verkiesings.

Dit is om daardie rede dat hy omvattende toegang tot alle kiesdokumentasie benodig, lui die twee bladsy lange brief.

Mnr. Theo Mujoro, die hoofkiesbeampte van die ECN, het Dinsdagaand aan Republikein gesê die brief het daardie aand onder sy aandag beland.

Hy het onderneem om gister daarop kommentaar te lewer, maar het nie gister op navrae in daardie verband gereageer nie.

Landdros Uatjo Uanivi, die voorsittende beampte van die tribunaal, het verlede Maandag bevind dié instelling het nie die jurisdiksie om Itula se eise oor die EVM’s te hoor nie.

Boonop het die tribunaal bevind die aansoek was nóg baie dringend nóg dringend.

Die hoërhof in Windhoek het ook verlede Woensdag voordag bevind Itula se aansoek was nie dringend nie.

Die Landless People’s Movement (LPM), onder leiding van mnr. Bernadus Swartbooi, het vroeër gesê hulle oorweeg nog hul opsies.

- [email protected]

Soortgelyk

 

NBC-werknemer toets positief

1 uur gelede | Gesondheid

Die nasionale uitsaaier (NBC) het bekend gemaak dele van sy hoofkantoor in Windhoek is tydelik gesluit omdat een van sy werknemers positief getoets het.Die direkteur-generaal,...

Agt mense sterf die naweek in voertuigongelukke

3 ure gelede | Ongelukke

Ronelle Rademeyer - Agt mense, onder wie twee kinders van onderskeidelik een en ses jaar, het die naweek in voertuigongelukke gesterf.Dit is gelykstaande aan die...

Nog 'n sterfte, 88 nuwe Covid-19-gevalle

4 ure gelede | Gesondheid

Die minister van gesondheid en maatskaplike dienste (MoHSS) sê 'n 47-jarige man van Walvisbaai met onderliggende mediese toestande het aan Covid-19 gesterf. Hy is in...

Mesmoorde in stad sowel as Noorde

19 ure gelede | Misdaad

Die Namibiese polisie het vanmiddag lig gewerp op vier moordgevalle wat die naweek gebeur het. Volgens hoofinspekteur Kauna Shikwambi, hoof van Nampol se openbare skakelafdeling,...

69 nuwe gevalle stoot bevestigde gevalle op tot 1...

1 dag gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

2 dae gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

2 dae gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

2 dae gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

2 dae gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....