Opgraderings aan Noorde-spoorlyn vorder vinnig

D&M Rail Construction (Pty) Ltd is druk besig om die sowat 400 km treinspoor van Kransberg tot op Tsumeb te rehabiliteer en op te gradeer.Herstelwerk aan die spoorlyn tussen Kransberg en Otjiwarongo is reeds voltooi, en het die maatskappy op 21 Januarie begin om die spoorlyn van Otavi suidwaarts na Otjiwarongo op te gradeer.Die eerste stap in die opgraderingsproses wat vir hierdie fase gebruik word, is om spoorstawe af te haal en langs die spoorlyn te plaas. Daarna word die staal dwarslêers afgehaal en ’n padskraper gebruik om die grond gelyk te maak. Die staal dwarslêers word dan vervang met beton dwarslêers wat op Tsumeb vervaardig word. Die spoorstawe word dan weer teruggesit, vasgemaak en vasgesweis.“Die spoorstawe word deur ’n eksotermiese proses aanmekaar gesweis sodat die spoor uitsetting en inkrimping kan absorbeer,” verduidelik mnr. Leon Steyn van D&M Rail Construction.Op hierdie wyse word ’n gemiddeld van 400 meter in een dag vervang. Tot op hede is 16 km van die spoorlyn in hierdie fase reeds opgegradeer. “Die baanmeester, mnr. Johannes Gamiseb, en sy span van 90 werkers meld elke oggend vir diens aan. Dan moet hulle vinnig en presies werk, want in die namiddag ry die trein op die spoor. TransNamib se treinvervoer in hierdie area word geensins deur ons werke geraak nie,” het Steyn gesê. Die spoorlyn is in sy bykans 60 jaar nog nooit vervang of opgegradeer nie en dus is die leeftyd van materiaal soos die staal dwarslêers verstreke.“Die dwarslêers is al 60 jaar in gebruik en is nou vodde. Die beton dwarslêers sal weer vir die volgende 60 tot 80 jaar hou,” het Steyn gesê. Personeel ry elke twee weke met ? trollie om inspeksie op die spoor te doen. As hulle ? probleem teëkom, word ? span onmiddellik gestuur om dit op te los.“Ons het in die afgelope twee jaar wat ons aan die spoorlyn werk nog nie ’n ongeluk gehad nie,” sê hy. Volgens Steyn moet die projek nou spoedig afgehandel word, aangesien een van die byprodukte van Tsumeb se smelter swaelsuur is, wat in die toekoms per trein na Rössing vervoer moet word.“Ons hoop met die herstel en opgradering van die spoorlyn sal ons daarin kan slaag om soveel moontlik swaarvoertuie van ons land se nasionale paaie af te kry. Nie net beskadig dit die padinfrastruktuur nie, maar hou dit ook gevare in vir ander padgebruikers. ? Trein met een lokomotief kan 21 waens trek, wat gelykstaande is aan 27 swaarvoertuie minder op die paaie," het Steyn gesê. D&M Rail Construction (Pty) Ltd is ’n honderd persent Namibiese maatskappy wat daarna streef om net plaaslik vervaardigde materiaal en Namibiese werkers te gebruik.“Ons het juis in Januarie 60 mense van Otavi aangestel wat nog nooit aan ? spoorlyn gewerk het nie,” het Steyn gesê.Meer as 300 mense is tans in die maatskappy se diens. “Ons is ? arbeidsintensiewe maatskappy. Hoewel die meeste van die werk met masjiene gedoen kan word, wil ons eerder werk skep,” het Steyn gesê.

Opgraderings aan Noorde-spoorlyn vorder vinnig

Kommentaar

Republikein 2025-11-04

Meld asseblief aan om kommentaar te lewer

Opgraderings aan Noorde-spoorlyn vorder vinnig

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.