Operasie Hornkranz-slagoffer eis N$1 miljoen

‘Kan nie met normale lewe voortgaan’

04 July 2019 | Howe
Ronelle Rademeyer - ’n Man wat op Oujaarsaand verlede jaar naby die informele woonbuurt Babylon glo deur lede van die weermag en polisie geskop en aangerand is, eis skadevergoeding van N$1 miljoen in die hoërhof.

Mnr. Taleni Petrus Manja van Khomasdal eis N$600 000 vir pyn en lyding van die regering, die hoof die weermag en die minister van verdediging.

Hy eis ook ‘n verdere N$400 000 se skadevergoeding omdat hy nie met sy normale lewe kan voortgaan nie.

Dit blyk uit hofstukke Manja is kort voor middernag op Oujaarsaand naby die vierrigtingstop by die Maxuilili-sentrum op gewelddadige wyse deur lede van die weermag uit ‘n stilstaande voertuig gepluk. Hulle het hom daarna na bewering oor sy hele lyf en kop geskop en sy oog is beseer.

Hy voer aan hy is aan marteling en onmenslike en vernederende gedrag onderwerp toe hy aangerand en deur ses polisiemaglede ondervra is.

Hy is glo deur hulle aangesê om na ’n nabygeleë rivierloop te stap, wat vir hom ’n sielkundige marteling was omdat hy gevrees het hy gaan verder aangerand word.

Manja het op pad na die rivierloop glo sy bewussyn verloor en inmekaargesak.

Hy voer in die hofstukke aan hy is nie na ’n hospitaal geneem nie, hoewel dit vir die veiligheidsmaglede duidelik moes gewees het hy het mediese hulp nodig.

Operasie Hornkranz is in Desember verlede jaar as ’n gesamentlike polisie- en weermagoperasie van stapel gestuur met die oog op die bekamping van misdaad.

Dit is in Junie deur Operasie Kalahariwoestyn opgevolg.

Verskeie mense het sedertdien aangevoer hulle was slagoffers van hardhandige weermag- en of polisie-optrede in een van die twee operasies.

In Junie is ’n Zimbabwiese taxibestuurder, mnr. Fambauone Black (22), na bewering by ’n padblokkade in Katutura deur kpl. Gerson Nakale (38), ’n lid van die weermag, doodgeskiet.

Volgens Manja ervaar hy steeds pyn en lyding, asook emosionele en sielkundige trauma as gevolg van die gebeure van dié aand.

Die Regshulpsentrum staan hom met die eissaak by.

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...