Ope titelresies oop sonder Caro Els
Die Bank Windhoek Namibiese Ope gholfkampioenskap vir vroue word môre en Sondag oor 36 putjies by die baan van Rössmund buite Swakopmund beslis.
Bank Windhoek, wat ’n lang verhouding met vrouegholf in Namibië het, borg die toernooi vir die 26ste agtereenvolgende jaar. Die borgskap beloop vanjaar N$25 000.
Hierdie finansiële instansie was saam met Royal & Ancient St. Andrews die hoofborge tydens die Suidelike Afrika Uitdaagbekertoernooi (RAACT) wat in 2015 deur die Namibiese Amateur Vrouegholfunie (Nalgu) by Omeya aangebied is.
Om die klublede van Rössmund te akkommodeer, wat goedgunstiglik weens dié hoogtepunt op die vrouegholfkalender net ’n klubkompetisie sou speel, het die bestuur van Nalgu in oorleg met Bank Windhoek die mansspelers genooi om môre tydens die eerste ronde van die kampioenskap ’n beterbalkompetisie saam met die vroue te speel.
Pare sal eers ná afloop van die dag se spel in ’n trekking bepaal word, waarna die wenners aangewys sal word.
Die vroue sal Sondag hul tweede rondte voltooi, waarna die prysuitdeling volg waar die nuwe kampioen bekroon sal word.
Die wenner sal by ’n lys van voormalige kampioene soos Daphne Howard, Joyce Turner, Wilma van der Merwe, Thea Groenewald, Zandra Kruger, Wiltrud Rügheimer, Bonita Bredenhann en Caro Els aansluit.
Verlede jaar se kampioen, Caro Els, sal nie haar titel verdedig nie aangesien sy tans in Suid-Afrika by die Tuks-gholfakademie studeer.
Die baan van Rössmund is tans in ’n uitstekende toestand. Van die gunstelinge om met die louere weg te stap, sluit Letitia Brink en Wilna Bredenhann in.
WINDHOEK BUITEKLUB
Die Namibia National Reinsurance Corporation (NamibRe) se beterbalreeks is laas Saterdag by die baan van die Windhoek Buiteklub voortgesit.
Die reeks word deur die STAG (Society of Tuesday and Thursday Afternoon Golfers) gereël en laas Saterdag was die derde toernooi vandat dié samewerking begin het.
Die formaat was beterbal stableford, waar elke span se gekombineerde hou saamgetel is op syfer vyf putjies.
By die prysuitdeling het Liz Tashiya, korporatiewe skakelbeampte van NamibRe, beklemtoon dat die maatskappy as deel van sy maatskaplike verantwoordelikheid ’n rol speel om deur herversekering Namibië se rykdom binne die landsgrense te hou.
Die wenspanne was soos volg:
1 Gustav Jung en Schalk Engelbrecht – 47 punte
2 Corneels Jafta en Duncan Adendorf – 46 (uittel)
3 Jan van Wyk en George Vink – 46
4 Clinton Dodds en Mike Beavis – 44 (uittel)
5 Edgar Weber en Gerhard van Rooyen – 44
6 Fanie Oosthuizen en Gerhard van Wyk - 44
Die prys vir die houe naaste aan die pen is deur Damian da Silva (putjie 9) en Gerhard van Wyk (putjie 17) ingepalm, terwyl Edgar Weber die langste dryfhou op putjie 7 gemoker het.
Bank Windhoek, wat ’n lang verhouding met vrouegholf in Namibië het, borg die toernooi vir die 26ste agtereenvolgende jaar. Die borgskap beloop vanjaar N$25 000.
Hierdie finansiële instansie was saam met Royal & Ancient St. Andrews die hoofborge tydens die Suidelike Afrika Uitdaagbekertoernooi (RAACT) wat in 2015 deur die Namibiese Amateur Vrouegholfunie (Nalgu) by Omeya aangebied is.
Om die klublede van Rössmund te akkommodeer, wat goedgunstiglik weens dié hoogtepunt op die vrouegholfkalender net ’n klubkompetisie sou speel, het die bestuur van Nalgu in oorleg met Bank Windhoek die mansspelers genooi om môre tydens die eerste ronde van die kampioenskap ’n beterbalkompetisie saam met die vroue te speel.
Pare sal eers ná afloop van die dag se spel in ’n trekking bepaal word, waarna die wenners aangewys sal word.
Die vroue sal Sondag hul tweede rondte voltooi, waarna die prysuitdeling volg waar die nuwe kampioen bekroon sal word.
Die wenner sal by ’n lys van voormalige kampioene soos Daphne Howard, Joyce Turner, Wilma van der Merwe, Thea Groenewald, Zandra Kruger, Wiltrud Rügheimer, Bonita Bredenhann en Caro Els aansluit.
Verlede jaar se kampioen, Caro Els, sal nie haar titel verdedig nie aangesien sy tans in Suid-Afrika by die Tuks-gholfakademie studeer.
Die baan van Rössmund is tans in ’n uitstekende toestand. Van die gunstelinge om met die louere weg te stap, sluit Letitia Brink en Wilna Bredenhann in.
WINDHOEK BUITEKLUB
Die Namibia National Reinsurance Corporation (NamibRe) se beterbalreeks is laas Saterdag by die baan van die Windhoek Buiteklub voortgesit.
Die reeks word deur die STAG (Society of Tuesday and Thursday Afternoon Golfers) gereël en laas Saterdag was die derde toernooi vandat dié samewerking begin het.
Die formaat was beterbal stableford, waar elke span se gekombineerde hou saamgetel is op syfer vyf putjies.
By die prysuitdeling het Liz Tashiya, korporatiewe skakelbeampte van NamibRe, beklemtoon dat die maatskappy as deel van sy maatskaplike verantwoordelikheid ’n rol speel om deur herversekering Namibië se rykdom binne die landsgrense te hou.
Die wenspanne was soos volg:
1 Gustav Jung en Schalk Engelbrecht – 47 punte
2 Corneels Jafta en Duncan Adendorf – 46 (uittel)
3 Jan van Wyk en George Vink – 46
4 Clinton Dodds en Mike Beavis – 44 (uittel)
5 Edgar Weber en Gerhard van Rooyen – 44
6 Fanie Oosthuizen en Gerhard van Wyk - 44
Die prys vir die houe naaste aan die pen is deur Damian da Silva (putjie 9) en Gerhard van Wyk (putjie 17) ingepalm, terwyl Edgar Weber die langste dryfhou op putjie 7 gemoker het.
Kommentaar
Republikein
Geen kommentaar is op hierdie artikel gelaat nie