Oorlogskip bots teen olietenker
Dit is die tweede voorval in sowat twee maande in die Asiatiese see waarby Amerikaanse oorlogskepe betrokke is.
Tien bemanningslede word vermis nadat 'n Amerikaanse oorlogskip gister teen 'n olietenker oos van Singapoer gebots het.
Die Amerikaanse vloot het die voorval bevestig.
Dit is die tweede soortgelyke voorval in bietjie meer as twee maande in die Asiatiese see waarby oorlogskepe van die Amerikaanse vloot betrokke is.
Die geleidemissiel-torpedojaer USS John S. McCain het met die handelskip Alnic MC gebots terwyl die oorlogskip op pad was na Singapoer as roetinestopplek, sê die verklaring van die Amerikaanse vloot.
“Aanvanklike berigte dui aan John S. McCain is aan haar bakboord op die agterdek beskadig.
“Tien bemanningslede word vermis en vyf is in die voorval beseer.”
Skepe van Singapoer, helikopters en sleepbote help Amerikaanse weermagvliegtuie in die soektog na die bemanningslede.
Die Alnic MC is 'n Liberiese olietenker van 183 m en het aan die ooskus van die Pengerang-skiereiland in Johor, in die suide van Maleisië gestop. Geen olie lek uit die skip uit nie.
Die seeweg om Singapoer is een van die besigste in die wêreld. Byna 'n derde van die wêreld se seevervoer vind op hierdie roete plaas.
Twee senior offisiere en 'n senior bemanningslid van die USS Fitzgerald is uit hul amp verwyder ná die vorige ongeluk waarby 'n Amerikaanse oorlogskip betrokke was in die Stille Oseaan nege weke gelede. Die USS Fitzgerald het toe byna gesink op 17 Junie ná 'n botsing teen 'n Filippynse houerskip naby Japan. Sewe bemanningslede is in die ongeluk dood.
– Netwerk24/Nampa/Reuters
Die Amerikaanse vloot het die voorval bevestig.
Dit is die tweede soortgelyke voorval in bietjie meer as twee maande in die Asiatiese see waarby oorlogskepe van die Amerikaanse vloot betrokke is.
Die geleidemissiel-torpedojaer USS John S. McCain het met die handelskip Alnic MC gebots terwyl die oorlogskip op pad was na Singapoer as roetinestopplek, sê die verklaring van die Amerikaanse vloot.
“Aanvanklike berigte dui aan John S. McCain is aan haar bakboord op die agterdek beskadig.
“Tien bemanningslede word vermis en vyf is in die voorval beseer.”
Skepe van Singapoer, helikopters en sleepbote help Amerikaanse weermagvliegtuie in die soektog na die bemanningslede.
Die Alnic MC is 'n Liberiese olietenker van 183 m en het aan die ooskus van die Pengerang-skiereiland in Johor, in die suide van Maleisië gestop. Geen olie lek uit die skip uit nie.
Die seeweg om Singapoer is een van die besigste in die wêreld. Byna 'n derde van die wêreld se seevervoer vind op hierdie roete plaas.
Twee senior offisiere en 'n senior bemanningslid van die USS Fitzgerald is uit hul amp verwyder ná die vorige ongeluk waarby 'n Amerikaanse oorlogskip betrokke was in die Stille Oseaan nege weke gelede. Die USS Fitzgerald het toe byna gesink op 17 Junie ná 'n botsing teen 'n Filippynse houerskip naby Japan. Sewe bemanningslede is in die ongeluk dood.
– Netwerk24/Nampa/Reuters
Kommentaar
Republikein
Geen kommentaar is op hierdie artikel gelaat nie