Oorledenes in ambulansongeluk bekend
Francoise Steynberg - Die polisie het die name van die slagoffers in ’n ambulansongeluk Vrydagaand in die Kunenestreek bekend gemaak.
Volgens die weeklikse misdaadverslag is mee. Kaupyu Ndunge (46), Katjijatatua Hembinda (29), mnr. Sylvester Isaaks (34) en ’n dag oue babaseuntjie dood toe ’n bakkie van die ministerie van gesondheid en maatskaplike dienste deur ’n rivier weggespoel is.
Die voorval het omstreeks 21:30 in die Oukongo-nedersetting plaasgevind toe die voertuig van die Epupa-kliniek af deur ’n rivier gery het en deur die water meegesleur is. Die nedersetting is sowat 6 km van Opuwo af.
“Daar was nege passiers en ’n pasgebore baba aan boord. Die ambulansbestuurder, twee passasiers en die baba is dood, maar sy liggaampie is nog nie gevind nie,” het adj.komm. Kauna Shikwambi, nasionale polisiewoordvoerder, gesê.
“Die oorlewendes is na die Opuwo-staatshospitaal vir ’n mediese ondersoek geneem en hul toestand word as stabiel beskryf,” het Shikwambi gesê.
Volgens Nampa is drie van die oorlewendes verpleegsters.
Die slagoffers se naasbestaandes is van hul sterftes ingelig en die polisieondersoek duur voort.
- [email protected]
Volgens die weeklikse misdaadverslag is mee. Kaupyu Ndunge (46), Katjijatatua Hembinda (29), mnr. Sylvester Isaaks (34) en ’n dag oue babaseuntjie dood toe ’n bakkie van die ministerie van gesondheid en maatskaplike dienste deur ’n rivier weggespoel is.
Die voorval het omstreeks 21:30 in die Oukongo-nedersetting plaasgevind toe die voertuig van die Epupa-kliniek af deur ’n rivier gery het en deur die water meegesleur is. Die nedersetting is sowat 6 km van Opuwo af.
“Daar was nege passiers en ’n pasgebore baba aan boord. Die ambulansbestuurder, twee passasiers en die baba is dood, maar sy liggaampie is nog nie gevind nie,” het adj.komm. Kauna Shikwambi, nasionale polisiewoordvoerder, gesê.
“Die oorlewendes is na die Opuwo-staatshospitaal vir ’n mediese ondersoek geneem en hul toestand word as stabiel beskryf,” het Shikwambi gesê.
Volgens Nampa is drie van die oorlewendes verpleegsters.
Die slagoffers se naasbestaandes is van hul sterftes ingelig en die polisieondersoek duur voort.
- [email protected]
Kommentaar
Republikein
Geen kommentaar is op hierdie artikel gelaat nie