Oom verkrag glo sesjarige meisie

Kristien Kruger – “Toe ek hulle vra wat met die kind gebeur het, het die ma vir my gesê sy is verkrag. Ek het die kombers van die kind afgehaal en gesien sy bloei uit haar privaatdele.” So het mnr. Johannes David gister in die hoërhof in Windhoek getuig oor ’n voorval wat op 26 September 2015 in Havana plaasgevind het, toe die beskuldigde, mnr. Gavin Gawanab (27), na bewering sy suster se dogter verkrag het.David was destyds ’n lid van die stadspolisie se eenheid vir geslagsgebaseerde geweld en was die verteenwoordiger in die buurt waar die voorval plaasgevind het.Volgens sy getuienis het hy om middernag ’n oproep ontvang en hom na die toneel gehaas waar ’n groep mense buite ’n huis in die straat saamgedrom het. Hier het hy die slagoffer en haar ma ontmoet.Hy het glo die polisie en die ambulans gebel en die meisie en haar ma is na die Katutura-staatshospitaal geneem.Hy het verder getuig hy het nooit die beskuldigde gesien nie, maar hy was ingelig dié het glo weggehardloop. Gawanab was volgens sy getuienis die volgende dag in hegtenis geneem.Gawanab se regsverteenwoordiger, mnr. Mbanga Siyomunji, het tydens kruisondervraging uitgewys die sesjarige meisie is ná die voorval ondersoek, waarna monsters geneem is en na die Namibiese polisie se Instituut vir Forensiese Wetenskap (NIFS) geneem is vir ontleding.“’n Monster van die beskuldigde is geneem en gebruik vir vergelyking tydens die ontleding. Die resultate het getoon dat geen sperm van die beskuldigde teenwoordig was nie,” het hy gesê.Siyomunji het verder gesê David se weergawe van gebeure is op hoorsêgetuienis gebaseer, omdat hy nie gesien het hoe die meisie verkrag is of wie dit gedoen het nie. Hy kon slegs getuig oor dit wat die beweerde slagoffer se ma hom vertel het.KLAGSTAATDie klagte teen Gawanab sluit in drie klagte van verkragting, drie klagte van poging tot verkragting, vier klagte van poging tot moord en verskeie van aanranding en aanranding met die doel om ernstig te beseer.Hy het glo op sewe afsonderlike geleenthede oor 'n tydperk van byna ses jaar jong meisies en vroue in Windhoek en op nabygeleë plase aangeval.Sy verhoor duur vandag voor regter Dinnah Usiku voort. Me. Innocencia Nyoni is die staatsaanklaer. - kristien@republikein.com.naFOTOMnr. Gavin Gawanab staan op klagte van verkragting, poging tot verkragting, poging tot moord en aanranding tereg. Foto Argief

Oom verkrag glo sesjarige meisie

Kommentaar

Republikein 2025-05-01

Meld asseblief aan om kommentaar te lewer

Oom verkrag glo sesjarige meisie

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie