Onwettige sandmyne se dae getel

Kenya Kambowe - Die omgewingskommissaris se kantoor is tans besig met die wysiging van omgewingsregulasies om hulle minder dubbelsinnig te maak en suksesvolle vervolgings te verseker.Die bewaringswetenskaplike mnr. Ipeinge Mundjulu, van die ministerie van die omgewing en toerisme, het aan Repubklikein se susterskoerant Namibian Sun gesê ná die ondersoek na die Wet op Omgewingsbestuur van 2007, sal dié wet aangepas word om leemtes, veral met betrekking tot sandmyne, aan te spreek.Namibian Sun het die afgelope maande gereeld oor onwettige sandmynbou berig. Dít kom algemeen in die Noorde voor, waar sand sonder die nodige toestemming ontgin word.Volgens die betrokke wet moet alle regeringsinstellings, maatskappye, ander organisasies en individue eers 'n klaringsertifikaat kry voordat sand ontgin mag word.Onwettige sandmyners kan boetes van tot N$500 000 of 25 jaar tronkstraf opgelê word, wat baie vaag is, omdat die wet nie bepaal hoe 'n onwettige sandmyner beboet sal word nie en hoe die vervolging sal plaasvind nie.Dít omdat daar nie reedsbestaande gevalle is waarna verwys kan word nie. Daar word aangevoer onwettige sandmynbou duur voort omdat die wet nie duidelik is nie en oortreders dus voortgaan om dié misdaad sonder vrees vir vervolging te pleeg."Die wet is nie duidelik nie. Word ek byvoorbeeld beboet volgens die hoeveelheid sand wat in my besit gevind is, of terwyl ek in die proses is om sand te ontgin? “Tot vandag toe is niemand vir sandontginning vervolg nie. Hulle is miskien gewaarsku, maar nie vervolg nie,” het ’n anonieme bron gesê.Intussen het Mundjulu gesê die wet is om dié redes gewysig."Ons verstaan daar is leemtes in die wet, en daarom is ons besig om dit te verander. Al die leemtes sal aangespreek word sodra die wet gewysig word,” het hy gesê.Hy het kontrakteurs gewaarsku wat sand tans onwettig ontgin om dit onmiddellik te staak en aansoek te doen vir die klaringsertifikate, aangesien hulle vervolg kan word.Die dae van ontginning sonder om gemonitor te word, is binnekort verby, het Mundjulu gewaarsku, aangesien mense in diens geneem sal word om ontginningspunte te beman.

Onwettige sandmyne se dae getel

Kommentaar

Republikein 2025-05-01

Meld asseblief aan om kommentaar te lewer

Onwettige sandmyne se dae getel

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie