Onwettige immigrante ’n kopseer
Die ministerie van binnelandse sake en immigrasie het sy kommer uitgespreek oor Angolese en Zambiese burgers wat die grens na Namibië onwettig oorsteek om voordeel uit plaaslike maatskaplike toelaes te trek.
“Die twee Kavangostreke asook die Zambezi- en Ohangwena-streek word die meeste geraak in terme van mense wat die grens oorsteek, omdat dit hier is waar ons grense met ander lande deel,” het die woordvoerder van die ministerie, me. Salome Kambala, tydens ’n besoek aan die Kavango gesê. Sy was daar op uitnodiging van die goewerneurs van die Kavango-Oos en -Wesstreek om inligting oor immigrasie aan inwoners te verskaf.
Sy het aan Nampa gesê hoewel die streke grensposte by oorgrenspunte het, gebruik die meeste mense - wat oorwegend Angolese burgers insluit - nie die aangewese grenspunte nie. Sommige inwoners kom die Kavango- en Zambezistreek binne met kano’s om te verhoed dat hulle nasionale dokumentasie moet toon wanneer hulle Namibië binnegaan.
“Namibië is ’n baie vreedsame land en is een van drie lande in Afrika wat maatskaplike toelaes aan bejaardes toeken.”
Benewens pensioentoelaes verskaf Namibië ook toelaes aan inwoners met gestremdhede, sowel as wees- en weerlose kinders.
Volgens Kambala lok dit veral inwoners uit Angola en Zambië om die grens na Namibië oor te steek om ook voordeel uit dié programme te trek.
“Dit is werklik ’n reuse-uitdaging wat die ministerie in die gesig staar. Ons streekskantoor op Rundu word daagliks met honderde versoeke oorval en die rye bly lank.”
Kambala het voorts gesê tradisionele leiers van verskeie nedersettings is aandeelhouers van die ministerie, maar sommige aanvaar omkoopgeld om briewe uit te reik dat buitelanders in Namibië gebore is.
“In werklikheid is die persoon ’n buitelander, maar omdat hy of sy voordeel uit die toelaes in die land wil trek, aanvaar die hoofmanne die omkoopgeld.”
Kambala het ’n beroep op alle Namibiërs gedoen om hulle hiervan te weerhou en het gemaan dit kan die ontwikkelingsplanne van die Nasionale Beplanningskommissie in die wiele ry om voldoende geld vir belangrike programme en projekte te verseker.
Sy het voorts die publiek gevra om te verseker hulle is in besit van al die nodige nasionale dokumente en om van die aangewese oorgrenspunte gebruik te maak.
- Nampa
“Die twee Kavangostreke asook die Zambezi- en Ohangwena-streek word die meeste geraak in terme van mense wat die grens oorsteek, omdat dit hier is waar ons grense met ander lande deel,” het die woordvoerder van die ministerie, me. Salome Kambala, tydens ’n besoek aan die Kavango gesê. Sy was daar op uitnodiging van die goewerneurs van die Kavango-Oos en -Wesstreek om inligting oor immigrasie aan inwoners te verskaf.
Sy het aan Nampa gesê hoewel die streke grensposte by oorgrenspunte het, gebruik die meeste mense - wat oorwegend Angolese burgers insluit - nie die aangewese grenspunte nie. Sommige inwoners kom die Kavango- en Zambezistreek binne met kano’s om te verhoed dat hulle nasionale dokumentasie moet toon wanneer hulle Namibië binnegaan.
“Namibië is ’n baie vreedsame land en is een van drie lande in Afrika wat maatskaplike toelaes aan bejaardes toeken.”
Benewens pensioentoelaes verskaf Namibië ook toelaes aan inwoners met gestremdhede, sowel as wees- en weerlose kinders.
Volgens Kambala lok dit veral inwoners uit Angola en Zambië om die grens na Namibië oor te steek om ook voordeel uit dié programme te trek.
“Dit is werklik ’n reuse-uitdaging wat die ministerie in die gesig staar. Ons streekskantoor op Rundu word daagliks met honderde versoeke oorval en die rye bly lank.”
Kambala het voorts gesê tradisionele leiers van verskeie nedersettings is aandeelhouers van die ministerie, maar sommige aanvaar omkoopgeld om briewe uit te reik dat buitelanders in Namibië gebore is.
“In werklikheid is die persoon ’n buitelander, maar omdat hy of sy voordeel uit die toelaes in die land wil trek, aanvaar die hoofmanne die omkoopgeld.”
Kambala het ’n beroep op alle Namibiërs gedoen om hulle hiervan te weerhou en het gemaan dit kan die ontwikkelingsplanne van die Nasionale Beplanningskommissie in die wiele ry om voldoende geld vir belangrike programme en projekte te verseker.
Sy het voorts die publiek gevra om te verseker hulle is in besit van al die nodige nasionale dokumente en om van die aangewese oorgrenspunte gebruik te maak.
- Nampa
Kommentaar
Republikein
Geen kommentaar is op hierdie artikel gelaat nie