Ontwikkeling in Suide ondersteun

Augetto Graig - Onlangse besoeke van besluitnemers en plaaslike besighede het bygedra tot ontwikkelings in Lüderitz en die !Nami#nusstreek. Raadslid Jan Scholtz het vroeër vandeesmaand die Verenigde Nasies se Unicef-verteenwoordiger in Namibië vergesel op haar besoek aan dr. Davies Nkalamo, hoofbestuurder van Lüderitz se staatshospitaal. Die doel van die besoek was om eerstehands te sien hoe Unicef op streeksvlak met die regering saamwerk, veral met die ministerie van gesondheid en maatskaplike dienste, wat neonatale, kinder- en tienergesondheid betref. Daar is ook met plaaslike verteenwoordigers en hoofde van gesondheid, onderwys, geslagsgelykheid, die jeug, die dorpsraad en die Peace Corps vergader. Plaaslike besigheidsmense aan wie die Unicef-verteenwoordiger voorgestel is, sluit amptenare van Cosdec, Novanam, Seaflower, Namdeb en Namport in.Nog ’n onderneming wat ’n voorbeeld stel, is Marco Fishing. Hul liefdadigheidstrust het vandeesmaand N$10 000 aan die Sekondêre Skool Tsau||Khaed geskenk. Die donasie aan die Rosh Pinah-skool sal vir sporttoerusting gebruik word. Dié skool is op 13 Januarie 2016 gestig en bestaan uit 333 leerlinge en 17 onderwysers. Volgens Scholtz is daar ’n behoefte aan meer belanghebbers om soortgelyke skole in die streek te ondersteun. “Opvoeding is die enigste gereedskap waarmee onkundigheid en armoede verwyder kan word. Die Marco Fishing-trust se voorbeeld moet gevolg word omdat hulle nie net in die //Kharasstreek skenk nie, maar ook in die Kunene-, Oshikoto-, Hardap- en baie ander streke,” het hy gesê.Mnr. Casius Shanyengage, ’n skoolinspekteur, was teenwoordig by die oorhandiging van die skenking aan Tsau||Khaed en het sy vreugde daaroor uitgespreek. Hy het ook die visvangmaatskappy geprys vir hul vrygewigheid. Me. Laimi Nanyemba, die Sekondêre Skool Tsau || Khaeb se skoolhoof, en die sekretaris van die Marco Fishing-trust, me. Reeva Van Rooyen, was ook by die geleentheid teenwoordig.

Ontwikkeling in Suide ondersteun

Kommentaar

Republikein 2025-11-05

Meld asseblief aan om kommentaar te lewer

Ontwikkeling in Suide ondersteun

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.