Ontwikkeling baklei teen werkloosheid
Augetto Graig - Die statistikus-generaal, mnr. Alex Shimuafeni, het werkloosheidsyfers uit verlede jaar se opname oor die arbeidsmag met streeksgoewerneurs gedeel.
Dít tydens 'n vergadering met president Hage Geingob.
Uit die totale bevolking van 2 324 388 is 36,4%, oftewel 846 195 mense minderjarig en onder die ouderdom van 15.
Hulle kan dus nie in die arbeidsmag ingesluit word nie.
Uit die oorblywende 1 478 193 is 30,6% as ekonomies onaktief geklassifiseer.
Dit beteken slegs 1 026 268 Namibiërs is tans deel van die nasionale arbeidsmag.
Hiervan is 34% oftewel 349 383 Namibiërs werkloos, terwyl 66% of 676 885 tans werk.
Van die burgers wat in staat is om te werk, is meer as die helfte (52,2%) in die Kunenestreek werkloos, terwyl 45,4% van die arbeidsmag in Ohangwena werkloos is.
Sowat 48% van Namibiërs in die Zambezistreek wat kán werk, is werkloos.
Die streek met die minste werkloosheid is Erongo. Hier is slegs 21,9% van inwoners sonder winsgewende indiensneming.
Ander streke waar die werkloosheidsyfer minder as 30% is, sluit in //Kharas- (23%), Omaheke- (26,9%), Khomas- (28,4%) en die Oshanastreek (29,5%).
In terme van werkloosheid onder die jeug staan Kunene op 63,2%, Ohangwena op 55,7% en Zambezi op 60%.
Die beste presteerders in dié opsig is die Erongo- (26,3%), //Kharas- (30,9%), Omaheke- (32,8%) en Khomasstreek (37,5%).
Laasgenoemde is ook die enigste streke in die land waar die werkloosheidsyfer onder jongmense minder as 40% is.
Shimuafeni sê voorts die meeste Namibiërs is in die landbou-, bosbou- en vissektore werksaam.
Daarna volg groot- en kleinhandel, konstruksie, private huishoudings, akkommodasie en voedseldienste, vervaardiging, opvoeding, administrasie en ondersteuningsdienste, openbare administrasie, verdediging en openbare welsyn.
Mynbou verskaf slegs 2,2% van verlede jaar se werksgeleenthede in die land.
Op sy beurt het die minister van nasionale beplanning, mnr. Tom Alweendo, gesê groot maatskappye soos myne in Namibië is in 'n groot mate gemeganiseer en skep nie soveel werksgeleenthede soos verwag word nie.
Kleiner besighede kan volgens hom meer en ook vinniger werk vir meer mense skep.
Deel van die Vyfde Nasionale Ontwikkelingsplan (NDP5) is daarom gemik op die ondersteuning van meer klein- en mediumsakeondernemings.
Terselfdertyd vereis ekonomiese vooruitgang die ontwikkeling van mededingendheid en nuwe vermoëns.
Die regering beplan ook om meer infrastruktuur, veral in terme van krag- en watervoorsiening, sowel as vervoer te ontwikkel.
NDP5 behels 80 programme en 178 projekte wat fokus op maatskaplike transformasie deur meer geleenthede vir tegniese opleiding te skep, sê Alweendo.
Voorts moet die omgewing ook beskerm word - veral wanneer dit by mynbou-aktiwiteite kom.
Dít kan gedoen word deur die bevordering van doeltreffende bestuur, deursigtigheid en aanspreeklikheid, sowel as die bekamping van korrupsie.
Volgens Alweendo word die land se ekonomie tans deur die regering bestuur om te herstel.
Hoewel daar reeds resultate sigbaar is, sal dié proses egter nog tyd neem.
By dieselfde geleentheid het dr. John Steytler, presidensiële raadgewer, gesê die ekonomie is soos 'n liggaam wat in stand gehou moet word en herstel moet word wanneer dinge skeef loop.
Volgens hom is die huidige poging om uitgawes te sny doeltreffend en is klein tekens van herstel reeds sigbaar.
“Inflasie het begin daal en die verwagte ekonomiese groei van 3% is klein, maar beter as laas jaar toe daar geen groei was nie.
Vanjaar verwag ons dat die ekonomie stadig uit die afswaai sal begin klim,” het hy gesê.
Dít tydens 'n vergadering met president Hage Geingob.
Uit die totale bevolking van 2 324 388 is 36,4%, oftewel 846 195 mense minderjarig en onder die ouderdom van 15.
Hulle kan dus nie in die arbeidsmag ingesluit word nie.
Uit die oorblywende 1 478 193 is 30,6% as ekonomies onaktief geklassifiseer.
Dit beteken slegs 1 026 268 Namibiërs is tans deel van die nasionale arbeidsmag.
Hiervan is 34% oftewel 349 383 Namibiërs werkloos, terwyl 66% of 676 885 tans werk.
Van die burgers wat in staat is om te werk, is meer as die helfte (52,2%) in die Kunenestreek werkloos, terwyl 45,4% van die arbeidsmag in Ohangwena werkloos is.
Sowat 48% van Namibiërs in die Zambezistreek wat kán werk, is werkloos.
Die streek met die minste werkloosheid is Erongo. Hier is slegs 21,9% van inwoners sonder winsgewende indiensneming.
Ander streke waar die werkloosheidsyfer minder as 30% is, sluit in //Kharas- (23%), Omaheke- (26,9%), Khomas- (28,4%) en die Oshanastreek (29,5%).
In terme van werkloosheid onder die jeug staan Kunene op 63,2%, Ohangwena op 55,7% en Zambezi op 60%.
Die beste presteerders in dié opsig is die Erongo- (26,3%), //Kharas- (30,9%), Omaheke- (32,8%) en Khomasstreek (37,5%).
Laasgenoemde is ook die enigste streke in die land waar die werkloosheidsyfer onder jongmense minder as 40% is.
Shimuafeni sê voorts die meeste Namibiërs is in die landbou-, bosbou- en vissektore werksaam.
Daarna volg groot- en kleinhandel, konstruksie, private huishoudings, akkommodasie en voedseldienste, vervaardiging, opvoeding, administrasie en ondersteuningsdienste, openbare administrasie, verdediging en openbare welsyn.
Mynbou verskaf slegs 2,2% van verlede jaar se werksgeleenthede in die land.
Op sy beurt het die minister van nasionale beplanning, mnr. Tom Alweendo, gesê groot maatskappye soos myne in Namibië is in 'n groot mate gemeganiseer en skep nie soveel werksgeleenthede soos verwag word nie.
Kleiner besighede kan volgens hom meer en ook vinniger werk vir meer mense skep.
Deel van die Vyfde Nasionale Ontwikkelingsplan (NDP5) is daarom gemik op die ondersteuning van meer klein- en mediumsakeondernemings.
Terselfdertyd vereis ekonomiese vooruitgang die ontwikkeling van mededingendheid en nuwe vermoëns.
Die regering beplan ook om meer infrastruktuur, veral in terme van krag- en watervoorsiening, sowel as vervoer te ontwikkel.
NDP5 behels 80 programme en 178 projekte wat fokus op maatskaplike transformasie deur meer geleenthede vir tegniese opleiding te skep, sê Alweendo.
Voorts moet die omgewing ook beskerm word - veral wanneer dit by mynbou-aktiwiteite kom.
Dít kan gedoen word deur die bevordering van doeltreffende bestuur, deursigtigheid en aanspreeklikheid, sowel as die bekamping van korrupsie.
Volgens Alweendo word die land se ekonomie tans deur die regering bestuur om te herstel.
Hoewel daar reeds resultate sigbaar is, sal dié proses egter nog tyd neem.
By dieselfde geleentheid het dr. John Steytler, presidensiële raadgewer, gesê die ekonomie is soos 'n liggaam wat in stand gehou moet word en herstel moet word wanneer dinge skeef loop.
Volgens hom is die huidige poging om uitgawes te sny doeltreffend en is klein tekens van herstel reeds sigbaar.
“Inflasie het begin daal en die verwagte ekonomiese groei van 3% is klein, maar beter as laas jaar toe daar geen groei was nie.
Vanjaar verwag ons dat die ekonomie stadig uit die afswaai sal begin klim,” het hy gesê.
Kommentaar
Republikein
Geen kommentaar is op hierdie artikel gelaat nie