Ontvang spesialiste ‘blanko tjeks’?

OMGEKRAPTE KLIËNT VAN SWAKOPMUND SKRYF:Ek wil graag onderstaande in die leserskolom plaas omdat dit ‘n "wanpraktyk" in ons samelewing geword het en tot baie ongelukkighede gelei het. Hoe voel die Namibiese publiek hieroor?Die kliënt van ‘n mediese fonds gaan sien ‘n dokter, ‘n spesialis of inrigting vir mediese behandeling.Hy daag op by die spesialis, wat hom verseker dat hy binne mediese tariewe hef en die behandeling gaan voort. Hy ontvang sy behandeling en die spesialis vra dat hy hom wéér oor ‘n week moet kom sien.So gesê, so gedaan.Die kliënt kom sien weer vir meneer Spesialis. Alles is reg. . . óf dalk nie reg nie, maar die prosedures word afgehandel en nou kom die betaalslag.Die kliënt is tevrede, want hy het ‘n goeie mediese fonds en dis nog vroeg in die jaar, daar behoort genoegsame fondse beskikbaar te wees en hy's huis toe.Na verloop van ongeveer ‘n maand kry meneer Kliënt sy state vanaf die mediese fonds. Hy kyk én kyk wéér en dog hy moet ‘n nuwe bril kry. . .Maar tot sy skok besef meneer Kliënt sy "day-to-day" is alles, maar alles deur meneer Spesialis opgeslurp.Meneer Kliënt gaan sien sy mediese fonds se verteenwoordigers op sy tuisdorp en stel aan hulle sy wesentlike probleem. Die kort antwoord aan meneer Kliënt is hard en baie duidelik: “Meneer Kliënt, jou spesialis het ál jou beskikbare voordele opgeslurp, dit beteken eenvoudig dat enige dokterskonsultasies, spesialiskonsultasies, bloedtoetse en nog ‘n paar ander items vir die res van die jaar deur jouself betaalbaar sal wees. Die mediese fonds kan niks daaraan doen nie, jammer."Hierdie voorbeeld het hom werklik afgespeel en die (onder andere senior burgers) moet maandeliks hul byna N$8 000 stiptelik betaal asook álle voordele wat onder die sogenaamde "day-to-day" val, self betaal.Die probleem?Só identifiseer ek dit: daardie spesialis het ‘n "blanko tjek" ontvang die dag toe hy vir meneer Kliënt behandel het. Dis wat my betref ‘n baie swak besigheidsbeginsel.Meneer Spesialis kan vir sy dienste (bykans) vra net wat hy wil. Of is daar perke? Én word dit toegepas?Wie moet as waghond optree om sulke "blatante uitbytery" van die bevolking wat ‘n mediese fonds het, te voorkom.Die premie wat elke maand betaalbaar is deur meneer Kliënt (nie pasiënt nie, kliënt, want dis meer van ‘n besigheidstransaksie) bevat beslis ‘n onderafdeling vir administratiewe koste om dit vir die mediese fondse moontlik te maak om hul kliënte by te staan.Ten slotte, in die praktyk werk dit tans só: wanneer jy jou prosedures met die dokter, spesialis ens. deurloop het, dan stuur die diensverskaffers ‘n rekening vir jou mediese fonds. Laasgenoemde betaal die rekening en jy as lid hoor eers oor vier tot ses weke in wat se strooi sit jy regtig.Vandag, terwyl die wêreld skree teen korrupsie en regerings armoede wil uitwis, behoort al wat ‘n landsburger is as hy skuiwergate in ons daaglikse ekonomie ontdek, dit aan te meld om dit dadelik reg te stel.My vraag is, wat gaan mediese fondse, dokters en ander diensverskaffers en kliënte doen om bogemelde probleem uit te skakel en reg te stel?Dat iets dringend moet gebeur, is baie duidelik, want talle lede van sekere mediese fondse sit met dieselfde of soortgelyke probleme en dalk nog erger.

Ontvang spesialiste ‘blanko tjeks’?

Kommentaar

Republikein 2025-12-25

Meld asseblief aan om kommentaar te lewer

Ontvang spesialiste ‘blanko tjeks’?

Kommentaar

Republikein 2025-12-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.