‘Ontploffing’ gehoor waar duikboot vermis raak
Daar is nog geen teken van 'n duikboot wat meer as 'n week gelede 'verdwyn' het nie.
Die Argentynse vloot sê ’n “abnormale klank soos ’n ontploffing” is rondom die tyd wat die laaste sein van die vermiste duikboot ontvang is in die Suid-Atlantiese Oseaan waargeneem.
Die duikboot het verlede Woensdag spoorloos in die Suid-Atlantiese Oseaan verdwyn terwyl dit van ’n roetinesending na die vlootbasis by Mar del Plata, suid van Buenos Aires, op pad was.
Kapt. Enrique Balbi, woordvoerder van die vloot, het gesê inligting oor ’n enkele abnormale, kort, gewelddadige, nie-kerngebeurtenis soos ’n ontploffing is ontvang.
Die oorsaak kon nog nie vasgestel word nie en hy weet nie of die duikboot dalk op 15 November aangeval is nie.
Die vloot het hierdie inligting ontvang van die Comprehensive Nuclear Test-Ban Treaty Organization, wat moniteringstasies vir geheime atoomontploffings bestuur.
Die inligting kom te midde van kommer dat die duikboot se suurstofvoorsiening vir sewe dae lank dalk kan opraak.
Die bekommerde families van die duikboot se bemanning is tans in die Mar del Plata-vlootbasis, van waar die soektog gekoördineer word. – Netwerk24/Reuters
Die duikboot het verlede Woensdag spoorloos in die Suid-Atlantiese Oseaan verdwyn terwyl dit van ’n roetinesending na die vlootbasis by Mar del Plata, suid van Buenos Aires, op pad was.
Kapt. Enrique Balbi, woordvoerder van die vloot, het gesê inligting oor ’n enkele abnormale, kort, gewelddadige, nie-kerngebeurtenis soos ’n ontploffing is ontvang.
Die oorsaak kon nog nie vasgestel word nie en hy weet nie of die duikboot dalk op 15 November aangeval is nie.
Die vloot het hierdie inligting ontvang van die Comprehensive Nuclear Test-Ban Treaty Organization, wat moniteringstasies vir geheime atoomontploffings bestuur.
Die inligting kom te midde van kommer dat die duikboot se suurstofvoorsiening vir sewe dae lank dalk kan opraak.
Die bekommerde families van die duikboot se bemanning is tans in die Mar del Plata-vlootbasis, van waar die soektog gekoördineer word. – Netwerk24/Reuters
Kommentaar
Republikein
Geen kommentaar is op hierdie artikel gelaat nie