Ontdek bewaringsgebiede aanlyn

Francoise Steynberg - ’n Webtuiste vir gemeenskapsbewaring en -toerisme is Donderdagaand amptelik deur die minister van die omgewing en toerisme, mnr. Pohamba Shifeta, by die Namibië Toerisme Ekspo (NTE) in Windhoek bekend gestel.Die webtuiste is ontwikkel om toeriste en besoekers aan te moedig om kommunale bewaringsgebiede te besoek en op minder bekende paaie te reis om die versteeke juwele van die bewaringsgebiede te ontdek. Die amptelike bekendstelling van die webtuiste het by die gesamentlike uitstalling van die ministerie en Nacso, Namibië se sambreelorganisasie vir die Gemeenskapsgebaseerde Natuurlike Hulpbronnebestuurprogram (CBNRM), en al sy vennote by die NTE plaasgevind. Die webtuiste poog om die CNBRM-program te versterk om besigheidsaspekte van die bewaringsgebiede te bevorder om inkomste sodoende aan te moedig. Shifeta het Nacso vir dié inisiatief geprys en gesê dit sal toeganklikheid bevorder en belangrike toerismemarkte bereik – nie net vir gemeenskapstoerisme nie, maar ook vir Namibiese toerisme in die algemeen. Die minister het bewaringsgebiede aangemoedig om hierdie platform vir die bevordering van toerisme aan te wend.Die webtuiste bevat interessante inligting, wat aanwysings na verskeie plaaslike toeristeaantreklikhede insluit. Besoek die webtuiste by www.conservationtourism.com.na.

Ontdek bewaringsgebiede aanlyn

Kommentaar

Republikein 2025-12-22

Meld asseblief aan om kommentaar te lewer

Ontdek bewaringsgebiede aanlyn

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.