Onsekerheid lei tot T20 WB-uitstel

Die Internasionale Krieketraad (ICC) het vandag aangekondig dat die 2020 T20 Wêreldbeker met twaalf maande uitgestel word.Die T20 WB sou gedurende Oktober in Australië begin het, maar is nou vanweë die voortslepende Covid-19-pandemie tot Oktober 2021 aangeskuif.By vandag se vergadering van die IBC (die ICC se kommersiële filiaal) is ook ooreengekom op vensterperiodes vir die volgende drie ICC-toernooie, “om duidelikheid oor die kalender te verskaf en krieket die beste moontlike geleentheid oor die volgende drie jaar te gee omo van die ontwrigting van Covid-19 te herstel”.Een besluit wat nog nie geneem is nie, is die volgorde waarin óf Australië óf Indië die volgende twee T20 Wêreldbekers sal aanbied.Die vensterperiodes vir die ICC manstoernooie is:• ICC mans T20 Wêreldbeker 2021, Oktober – November 2021 met die finaal op 14 November 2021.• ICC mans T20 Wêreldbeker 2022, Oktober – November 2022 met die finaal op 13 November 2022.• ICC mans eendagkrieket Wêreldbeker 2023 in Indië, Oktober – November 2023 met die finaal op 26 November 2023.Manu Sawhney, uitvoerende hoof van die ICC, sê: “Ons het ’n uitgebreide en komplekse gebeurlikheidsplan eengepak en deur die hele proses het ons elke moontlike manier ondersoek om reisreëlings vir spelers en beamptes veilig te maak. “Die veiligheid van die spelers en ondersteuners is nie onderhandelbaar nie. Dit sal in die beste belang van spel en ondersteuners wees as ons die T20 WB volgende jaar Oktober aanbied.”“Ons lidlande het nou die klarigheid oor vensterperiodes om hulle in staat te stel om die verlore binnelandse en bilaterale krieket te herskeduleer.“Die uitstel van die (2023) Wêreldbeker vir eendagkrieket gee ons ’n beter kans om die integriteit van die kwalifiseringsproses te behou. Die bykomende tyd sal gebruk word om wedstryde te herskeduleer wat weens die pandemie nie gespeel kon word nie, om te verseker dat kwalifisering deur uitslae op die veld bepaal kan word.”“Deur die hele proses het ons nou saamgewerk met sleutelrolspelers soos regerings, lidfederasies, uitsaaiers, kommersiële vennote en mediese kenners om die beste kollektiewe beslissing in die belang van die sport en ons krieketgeesdriftiges te bereik.”Australië is relatief minder erg deur die pandemie getref, maar met die coronavirus steeds wild aan die versprei in deelnemende lande soos Engeland, Indië, Suid-Afrika en Pakistan, is bevind dat die risiko om 16 spanne vanoor die wêreld byeen te bring (selfs binne ’n sogenaamde biologies veilige borrel) aanvoudig te veel risiko sou inhou.

Onsekerheid lei tot T20 WB-uitstel

Kommentaar

Republikein 2026-07-22

Meld asseblief aan om kommentaar te lewer

Onsekerheid lei tot T20 WB-uitstel

Kommentaar

Republikein 2026-07-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.