Onseker tye vir olieprys in 2018
Dit is nie ’n uitgemaakte saak dat oliepryse vanjaar die stygende tendens van die afgelope sewe maande sal voortsit nie.
Die olieproduserende lande van wie sommige swaar op olie as hoofinkomste steun, sal wens oliepryse handhaaf hul styging van byna 57% sedert Junie verlede jaar toe Brent-ruoliepryse in Londen by so laag as US$44,82 per vat gaan draai het.
Die prys het vandeesweek US$70 per vat gehaal – die hoogste vlak sedert November 2014.
Maar ontleders meen die ooreenkoms van die Organisasie van Petroleum-uitvoerlande (Opul) en Rusland om olieproduksie te beperk, gaan nie lank hou nie. Die hoër oliepryse sal ook Amerikaanse en ander produsente wat nie aan produksieperk-ooreenkomste verbind is nie, aanmoedig om meer te produseer, wat die prys kan laat stabiliseer of terugsak.
Slegte tyd
Die hoër olieprys kom op ’n slegte tyd vir Suid-Afrikaanse brandstofverbruikers. Juis in ’n tyd waarin plaaslike motoriste voordeel sou wou trek uit die sterker rand (wat die afgelope twee maande van so swak as R14,47 teenoor die dollar tot rondom R12,30 verstewig het), kan hoër internasionale oliepryse wegkalwe aan daardie voordeel.
Ontleders het begin gis dat die ooreenkoms tussen Opul en die Russe vroegtydig kan verbrokkel. Ric Spooner, ’n ontleder van CMC Markets, sê as Amerikaanse voorraadvlakke daal en produksie styg net effens, kan die afgelope dag se terugsak van oliepryse net tydelik wees.
Die Amerikaanse bankgroep Goldman Sachs het die week gesê die groei in vraag, laer voorraadvlakke en die feit dat Opul-lidlande tot dusver hulle streng by die produksieperke gehou het, het bygedra tot die onlangse styging. Goldman Sachs het vroeër voorspel dat Brent-pryse vanjaar gemiddeld US$62 per vat sal wees en West Texas Intermediate (die Amerikaanse olieprysmaatstaf) sal gemiddeld US$57,50 wees.
Maar hy het vandeesweek gewaarsku die risiko is groot dat dié pryse hoër sal wees.
Opul en Rusland se ooreenkoms oor produksieperke geld al sedert Januarie 2017 en duur tot einde 2018.
Verhoogde produksie
Tekens is egter reeds daar dat Amerikaanse produsente hul produksie verhoog. Die afgelope week was daar 939 boortorings in bedryf in Amerika, vergeleke met net 659 ’n jaar gelede. Die aantal aktiewe olieboortorings het in die afgelope week alleen met tien gegroei, volgens inligting wat Oilprice.com bekend gemaak het.
Twyfel oor deelnemers se verbintenis tot die ooreenkoms tussen Opul en Rusland is gesaai deur die hoof van die Russiese oliemaatskappy Lukoil wat gesê het Rusland moet hom aan die ooreenkoms onttrek as oliepryse vir ses maande rondom US$70 per vat bly.
Lidlande van Opul, wat grootliks die Midde-Oosterse olieprodusente asook Nigerië, Algerië en Venezuela insluit, is self bekend daarvoor dat hulle in hul stilligheid afwyk van die oliekartel se selfopgelegte produksieperke.
Dit is ’n fyn balans wat hulle probeer handhaaf. Die idee van die perke is om oliepryse te laat styg weens die laer aanbod, maar in ’n sekere stadium impliseer hul laer produksievolumes dat hulle die volle voordeel van die hoër pryse begin misloop.
Banke soos Citigroup en JPMorgan Chase voorspel dat namate opgepotte voorraad uitgeput raak, sal Opul teen die middel van die jaar begin sukkel om sy lede by die ooreenkoms te hou. – Netwerk24/Bloomberg
Die prys het vandeesweek US$70 per vat gehaal – die hoogste vlak sedert November 2014.
Maar ontleders meen die ooreenkoms van die Organisasie van Petroleum-uitvoerlande (Opul) en Rusland om olieproduksie te beperk, gaan nie lank hou nie. Die hoër oliepryse sal ook Amerikaanse en ander produsente wat nie aan produksieperk-ooreenkomste verbind is nie, aanmoedig om meer te produseer, wat die prys kan laat stabiliseer of terugsak.
Slegte tyd
Die hoër olieprys kom op ’n slegte tyd vir Suid-Afrikaanse brandstofverbruikers. Juis in ’n tyd waarin plaaslike motoriste voordeel sou wou trek uit die sterker rand (wat die afgelope twee maande van so swak as R14,47 teenoor die dollar tot rondom R12,30 verstewig het), kan hoër internasionale oliepryse wegkalwe aan daardie voordeel.
Ontleders het begin gis dat die ooreenkoms tussen Opul en die Russe vroegtydig kan verbrokkel. Ric Spooner, ’n ontleder van CMC Markets, sê as Amerikaanse voorraadvlakke daal en produksie styg net effens, kan die afgelope dag se terugsak van oliepryse net tydelik wees.
Die Amerikaanse bankgroep Goldman Sachs het die week gesê die groei in vraag, laer voorraadvlakke en die feit dat Opul-lidlande tot dusver hulle streng by die produksieperke gehou het, het bygedra tot die onlangse styging. Goldman Sachs het vroeër voorspel dat Brent-pryse vanjaar gemiddeld US$62 per vat sal wees en West Texas Intermediate (die Amerikaanse olieprysmaatstaf) sal gemiddeld US$57,50 wees.
Maar hy het vandeesweek gewaarsku die risiko is groot dat dié pryse hoër sal wees.
Opul en Rusland se ooreenkoms oor produksieperke geld al sedert Januarie 2017 en duur tot einde 2018.
Verhoogde produksie
Tekens is egter reeds daar dat Amerikaanse produsente hul produksie verhoog. Die afgelope week was daar 939 boortorings in bedryf in Amerika, vergeleke met net 659 ’n jaar gelede. Die aantal aktiewe olieboortorings het in die afgelope week alleen met tien gegroei, volgens inligting wat Oilprice.com bekend gemaak het.
Twyfel oor deelnemers se verbintenis tot die ooreenkoms tussen Opul en Rusland is gesaai deur die hoof van die Russiese oliemaatskappy Lukoil wat gesê het Rusland moet hom aan die ooreenkoms onttrek as oliepryse vir ses maande rondom US$70 per vat bly.
Lidlande van Opul, wat grootliks die Midde-Oosterse olieprodusente asook Nigerië, Algerië en Venezuela insluit, is self bekend daarvoor dat hulle in hul stilligheid afwyk van die oliekartel se selfopgelegte produksieperke.
Dit is ’n fyn balans wat hulle probeer handhaaf. Die idee van die perke is om oliepryse te laat styg weens die laer aanbod, maar in ’n sekere stadium impliseer hul laer produksievolumes dat hulle die volle voordeel van die hoër pryse begin misloop.
Banke soos Citigroup en JPMorgan Chase voorspel dat namate opgepotte voorraad uitgeput raak, sal Opul teen die middel van die jaar begin sukkel om sy lede by die ooreenkoms te hou. – Netwerk24/Bloomberg
Kommentaar
Republikein
Geen kommentaar is op hierdie artikel gelaat nie