Ons Taal: Swart katte en skouers

Ek is tevrede met net Otto in my huis, dis nou ons hond, wat soms meer mens as dier is. En verder geniet ek dit geweldig om diere in die veld te sien. Party mense is holderstebolder dieremense en ander weer in ’n mindere mate of selfs glad nie. Maar ek dink ons almal sal dit eens wees dat daar sekere diere is wat eenvoudig van die aardbol af mag verdwyn! En dan praat ek nie van bosluise en wurms nie. Wel van rooimiere! Nee wag, kom ek verduidelik mooi.Nou die dag stuur iemand vir my ’n oulike sêding: “As jy vrede in jou hart wil hê, moet jy ontslae raak van twee diere, naamlik die ou koei in die sloot en die bobbejaan agter die bult.” Toe ek dit vir my familie en vriende aanstuur, kry ek sommer nog ’n paar by. Die lewe sal baie eenvoudiger wees sonder die slang in die gras, die aap in die mou en die kat in die sak!En toe ontmoet ek sowaar ’n splinternuwe een: die swart kat op jou skouer. Aangesien ek nog nie vantevore hierdie uitdrukking gehoor het nie, moes ek vra.En die antwoord: “Sommige van ons dra ons mos dood aan voor- en skuldgevoelens. Of ons het die perfekte probleem vir elke oplossing.”Ek reken hierdie klompie diere kan maar met wortel en tak uitgeroei word, of moet ek eerder sê met sleepsel en stert . . . Petronella F Genis pfgenis@unam.na Vakgroep Afrikaans Universiteit van Namibië

Ons Taal: Swart katte en skouers

Kommentaar

Republikein 2026-05-06

Meld asseblief aan om kommentaar te lewer

Ons Taal: Swart katte en skouers

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.