Ons Taal: Lockdown

27 March 2020 | Menings
Wat is die Afrikaanse ekwivalent vir lockdown? Dit is “algehele afsondering”. Die Khomas- en Erongostreke is van vandag af in algehele afsondering ten einde die verspreiding van die koronavirus te beperk. Die naam van hierdie moeilikheidmaker kan ons in Afrikaans met ’n c of met ’n k skryf. Die rede hiervoor, volgens afrikaans-vandag.co.za, is dat die virus onder ’n elektronmikroskoop soos ’n blomkrans lyk. Hierdie voorkoms besorg aan hom die naam corona uit Latyn, via Grieks korone, wat “kroon” of “stralekrans” beteken. Dit is dus nie ’n naam wat uit Engels geneem is nie en behoort in Standaardafrikaans dan ook nie as “ki-róú-na” uitgespreek te word nie, maar eerder as “kô-róó-na”.

Die woord “koronavirus” is ’n soortnaam en word daarom nie met ’n hoofletter gespel nie, omdat daar verskillende soorte koronavirusse is, net soos daar byvoorbeeld verskillende soorte potlode is. Die spesifieke soort koronavirus waarmee die wêreld tans worstel, is ’n nuwe soort koronavirus; daarom word dit in Engels die novel coronavirus genoem (novel = nuut). Hierdie spesifieke nuwe koronavirus is amptelik “Covid-19” gedoop, wat ’n akroniem is vir coronavirus disease 2019.

Ons hoop die algeheleafsonderingsmaatreëls (ja, een woord) wat vandag van krag word, sal ons help om die virus se verspreiding te bekamp. Terloops, die woord “bekamp” het niks te doen daarmee om ’n draad rondom die virus te span sodat dit in ’n kamp is nie. Dis ’n suiwer Afrikaanse afleiding van die Nederlandse werkwoord kampen uit Middeleeuse Nederlands en Germaans, wat beteken “om ’n (twee)stryd te voer”. Ons is dus nie besig om ’n kamp te span nie, maar om ’n stryd te voer! Sterkte aan ons almal!

Prof. Herman Beyer

Vakgroep Afrikaans

Universiteit van Namibië

[email protected]

Soortgelyk

 

B-dag: Maak of breek

27th of May 00:00 | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

27th of May 00:00 | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

27th of May 00:00 | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

27th of May 00:00 | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

27th of May 00:00 | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

27th of May 00:00 | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

27th of May 00:00 | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

27th of May 00:00 | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

27th of May 00:00 | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...