Ons Taal: KI-taal

Mense sowel as diere kommunikeer met mekaar. Die verskil is dat mense taal gebruik, en diere nie. Daar is hoofsaaklik twee redes hiervoor: (1) Diere kan slegs oor die hier en nou kommunikeer, en (2) dierekommunikasie het geen element van kreatiwiteit nie. Hul breinvermoë laat dit nie toe nie. Hierdie beperking geld nie vir mense nie.Ons kan ook oor die verlede en die toekoms kommunikeer, en taal is dimensies skeppender as die kommunikasiestelsels van diere, danksy ons uitgebreide vermoë om te leer. Dit beteken egter nie die mens se breinvermoë is volledig onbeperk nie. Ons het minstens een beperking: die vermoë om alle inligting in ons brein te herroep. Daarom het ons taal beperkte grammatiese strukture en beperkte woordeskatte. Hierdie beperking geld nie vir rekenaars nie. Rekenaars het virtueel onbeperkte stoorruimte. Die menslike brein natuurlik ook. Die menslike brein het verder die vermoë om te leer, terwyl rekenaars dit nie het nie. Rekenaars het egter ’n perfekte herroepingsvermoë, wat die mens nie het nie. Hierdie beperking geld teoreties nie vir kunsmatige intelligensie (KI) nie. KI kombineer die mens se vermoëns tot kreatiwiteit en om te leer met die rekenaar se virtueel onbeperkte stoorruimte en ’n perfekte herroepingsvermoë. Teoreties is dit dus moontlik dat KI ’n eie taal kan ontwikkel met virtueel onbeperkte grammatiese strukture en ’n virtueel onbeperkte woordeskat. Teoreties. Net teoreties? Wetenskaplikes by Nasa het onlangs ontdek twee supperrekenaars was besig om op eie inisiatief met mekaar te kommunikeer – in hul eie taal. Niemand weet waaroor nie.Prof. Herman BeyerVakgroep AfrikaansUniversiteit van Namibiëhbeyer@unam.na

Ons Taal: KI-taal

Kommentaar

Republikein 2025-05-16

Meld asseblief aan om kommentaar te lewer

Ons Taal: KI-taal

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie