Ons taal

Ek het in my vorige bydrae begin gesels oor die pragmatiek. Dit is daardie onderafdeling van die taalkunde wat die gebruik van taal in konteks bestudeer. Wanneer ons twee op ’n koue dag in ’n vertrek sit waarvan die venster oopstaan en dit raak ongemaklik koel, kan jy sê: “Die venster is oop.” Ek kan jou uiting op minstens twee maniere interpreteer. Eerstens kan ek dit as ’n blote stelling van inligting beskou: Jy wil my laat weet dat daar ’n venster is, en dié venster is nie toe nie. Dít is ’n streng semantiese interpretasie, met ander woorde, ek interpreteer die suiwer betekenis van die sin. Aan die ander kant kan ek die uiting interpreteer as ’n versoek om die venster toe te maak. Dit is dan ’n interpretasie van die bedoeling van die sin, eerder as die suiwer betekenis daarvan. Na gelang van die verhouding tussen jou en my, of ons tot dieselfde of verskillende kultuurgroepe behoort, hoe geneë ek voel om my samewerking te gee, en nog ’n klompie ander faktore, kan ek dan opstaan en die venster gaan toemaak, sonder dat jy dit “in soveel woorde” van my versoek het. As dit inderdaad jou bedoeling was, dan het suksesvolle kommunikasie plaasgevind. As ek in hierdie konteks wil stuitig of snaaks probeer wees, kan ek sê: “Ja, ek sien so.” Dán misken ek opsetlik die bedoeling van die sin ten gunste van die suiwer betekenis daarvan. Hierdie soort kommunikasie vind daagliks plaas, en tussen almal. Die sukses daarvan word deur beide die spreker en die hoorder bepaal. Meer volgende keer.Prof. Herman BeyerVakgroep AfrikaansUniversiteit van Namibiëhbeyer@unam.na

Ons taal

Kommentaar

Republikein 2026-05-14

Meld asseblief aan om kommentaar te lewer

Ons taal

Kommentaar

Republikein 2026-05-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.