Ons taal

Hallo MaMa, ek het gister aan my poësiestudente verduidelik hoe ’n pantoen werk. Wat hierdie digsoort uniek maak, is dat jy met slegs 6 kernreëls ’n gedig op steroïede kan skryf! Ma móét dit probeer.Skryf eers neer wat in Ma se gedagtes opkom sonder om iets te korrigeer. Dikwels kom dit waarvan ’n mens nie altyd so bewus is nie, nogal verhelderend by jou op. Dit pen Ma neer. Nou kies Ma ’n kernwoord of -frase, en Ma laat waai. Die tradisionele patroon werk so: Jy skryf die eerste kwatryn van jou gedig neer. Vanaf die tweede kwatryn gaan jy soos volg te werk: reël 5 herhaal reël 2; reël 6 is nuut. Reël 7 herhaal reël 4, en reël 8 is weer nuut. Die derde kwatryn bevat geen nuwe reëls nie, want reël 9 herhaal reël 6, reël 10 herhaal reël 3; reël 11 herhaal reël 8, en reël 12 herhaal reël 1, die heel eerste versreël van die gedig! (Dit is nou die tradisionele pantoen met drie kwatryne, dus 12 reëls, maar vandag word daar vryelik hiervan afgewyk, en ek het al op pantoens met 20 reëls afgekom). In ons Woordfeesbundel, Land onder woorde, het Henriëtte van Wyk só oor die naderende ouderdom geskryf: berge op my tong(’n pantoen van woordgrendel)daar is happe in my breinen gate in die greinsoms suis stiltes in my sinnewant daar lê berge op my tongen gate in die greinstrooi klippe op die roetewant daar lê berge op my tongtot waar die bronwaters bruisstrooi klippe op die roeteverby die haak-en-steek klouetot waar die bronwaters bruis –daar moet brûe oor die donker stromeverby die haak-en-steek klouestrompel ek tevergeefsdaar moet brûe oor die donker stromewant daar lê berge op my tongMa, ek wil sê hoe baie ek Ma mis, maar daar lê berge op my tong.Baai my MaDr. Chrisna Beuke-MuirVakgroep AfrikaansUniversiteit van Namibiëcbeuke@unam.na

Ons taal

Kommentaar

Republikein 2025-05-12

Meld asseblief aan om kommentaar te lewer

Ons taal

Kommentaar

Republikein 2025-05-12

Meld asseblief aan om kommentaar te lewer

MELD AAN

Advertensie