Ons taal

Almal wat lief is vir Afrikaans kan uitsien na die 2021 Bank Windhoek/ATKV-idiomestryd wat op Saterdag 6 Maart gaan plaasvind en oudergewoonte uitgesaai sal word op Hartklop FM, Namibië se Afrikaanse nasionale radiostasie. Hierdie jaar word dit 'n bietjie anders gedoen. Voorheen moes skole hulle spanne inskryf, maar vanjaar kan enige hoërskoolleerling inskryf, want vir diegene wat nie spanmaats het nie, sal daar spanmaats gegee word. Wie weet, dalk ken die wenspan se Dawid en Jonatan mekaar op die oomblik nog van geen kant af nie. En gepraat van ken, jy kan vra vir 'n idiomelys wat jy vooraf kan leer, en as jy dit eers ken, sal jy gereed wees om 'n slag te slaan in die kompetisie. Maar dis nie al nie, nadese sal jou opstelle (en selfs die stories wat jy op die skoolgrond vir jou makkers vertel) sommer met rasse skrede verbeter! Dis vir ons elke keer lekker om te sien hoe die deelnemers se idiomeskat skitter, en daar waar iemand se kennis dalk te kort skiet, is daar soms groot pret wanneer nuwe sêgoed in die hitte van die oomblik uitgedink word. Ek dink nou sommer aan die deel waar idiome voltooi moet word. Hoe meer haas. . . hoe minder hoed! En hoe kaler jonker. . . hoe stouter in die donker! Kontak blitsvinnig vir Anita Naude by anaude@fnbnamibia.com.na/knoblochanita@gmail.com vir meer besonderhede.Petronella F Genis pfgenis@unam.na Vakgroep Afrikaans Universiteit van Namibië

Ons taal

Kommentaar

Republikein 2025-06-02

Meld asseblief aan om kommentaar te lewer

Ons taal

Kommentaar

Republikein 2025-06-02

Meld asseblief aan om kommentaar te lewer

MELD AAN

Advertensie