Ons taal

Hallo MaDie oormaat van kennis tot ’n mens beskikking vanweë die tegnologie maak my kortasem. Hoeveel tyd het ek oor om van dié goed te leer waaroor ek nuuskierig is? En die kennis het taal nodig om oorgedra te word. Maar Ma, is dit so?Toe ek vanoggend op die internet klim om te kyk of daar iets soos nie-woorde bestaan, kom ek af op die begrip pseudowoord (of nie-woord). Prof. Wiki definieer dit as ’n taaleenheid wat soos ’n werklike woord lyk in ’n spesifieke taal, maar in werklikheid geen betekenis in daardie taal se leksikon het nie. ’n Voorbeeld van so ’n nie-woord in Afrikaans sou iets soos berm wees omdat die kombinasie van foneme hom skik na Afrikaans se fonetiese reëls. (Vergelyk skerm of warm.)Ma, ’n mens moet tog ook deur nie-taal, stilte, nie-woorde kennis kan opdoen? ’n Kennis wat resoneer met jou regterbrein, en jou maag en jou hart.Vanoggend trek manlief die gordyne oop en gee my ’n beker koffie in die hand. In die oggendskemer sien ons hoe ons Europese gaste in ons veldtuin met kameras staan en mik na die rooi waar die son moet opkom. Ná die vorige nag se min slaap op die vliegtuig en gisteraand se laataand-kuier het ek verwag dat hulle láát gaan slaap. Ma, en toe ervaar ek die ander skouspel van nie-woorde: Deur ons kamervenster sien ek vier wesens van die Homo sapiens-spesie wat met ingehoue asems die opkomende son inwag. Laasgenoemde ook maar net nóg ’n spikkeltjie in die groter prentjie van die heelal. Die viertjies se kameras lyk soos vuurvliegies in die donker oggendskemer. ’n Tarentaal roep, die veld word wakker. Niemand sê ’n woord nie. Pa, ma en die twee kinders omhels mekaar in die bitterkoue oggend om die anti-woorde van stilte en wydsheid te vier.Baai Ma, síén my en hóór my.Jou stomgeslane kindDr. Chrisna Beuke-MuirVakgroep AfrikaansUniversiteit van Namibiëcbeuke@unam.na

Ons taal

Kommentaar

Republikein 2026-06-26

Meld asseblief aan om kommentaar te lewer

Ons taal

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.