Ons taal

Hallo MaHeng Ma, ons het lank nie gepraat nie, en ek het ons gereelde geselsies gemis. Maar intussentyd was daar vreugde in Ma-hulle se geweste en bittere hartseer hier by ons.Ma, het Ma nie dalk my broer gesien nie? Ja, vir Attie? En was die weersiens met jou seun goed? Het hy hom darem opgedres en sy baard afgeskeer vir die blye okkasie? Hier het hy net met high days en holidays sy kort jeanbroek en stewels vir langbroek en skoene verruil.Ma, gee tog vir hom hierdie gedig. Ek was nie seker of hy mooi gehoor het toe ek dit vir hom laasweek tydens die roudiens opgesê het nie.Talm nie (Chrisna Swart)(Vir Adriaan Swart, 23 Julie 2020)Ek het jou van ver af sien aankomdeur twee loergate in my skedel.Soms het jy eers stilgestaanom jou selfoon te beantwoord:’n belangrike oproep wat jybeswaarlik kon ignoreer. Ek ken jou al lank;in die helfte van my boekestaan jou naam geskrywe.Maar nou sien ek jou by die tuinhekkie,en voordat jy nog kon aanklop,maak ek die deur vir jou oop.In die gang af, eerste deur na regswag iemand -angstig om jou te ontmoet.Haal jou masker afen hang jou mantelaan die kapstok op.Moenie omkyk nie,gaan gerus binne.Dood,huiwer niejy’s welkom. Dr. Chrisna Beuke-MuirVakgroep AfrikaansUniversiteit van Namibiëcbeuke@unam.na

Ons taal

Kommentaar

Republikein 2026-07-17

Meld asseblief aan om kommentaar te lewer

Ons taal

Kommentaar

Republikein 2026-07-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.