Ons taal

Vandag kuier ons weer ’n bietjie met een voet in die Bybel, ek bedoel in die boek van oom Gert Janse van Rensburg getiteld “Met een voet in die Bybel” waarin hy 800 Afrikaanse spreekwoorde, ens. ondersoek wat aan die Bybel ontleen is. So, kom ons begin met die voet. Wanneer iemand rusteloos is, of selfs wanneer ’n kind baie woelig is, kan ons sê hy vind geen rus vir die holte vir sy voet nie. Eendag, lank lank gelede, was daar ’n voël wat nie ’n holte vir sy voet kon kry nie, omdat al die takke en mikke en ander holtes onder water was. Ja, einste! Dit was Noag se duif wat ons ontmoet in Genenis 8:9. Ons praat van iemand wat feilbaar is, deur te verwys na sy figuurlike voete van klei. Ons lees in Daniël 2 oor die koning Nebukadneser van Babilonië (ongeveer 605 tot 562 v.C.) se droom oor ’n indrukwekkende beeld. Hy het ’n kop van goud, bors van silwer, buik van koper en bene van yster gehad, maar sy voete wat gedeeltelik van klei was, het hom feilbaar gemaak wat dit moontlik gemaak het dat ’n rollende rots hom kon omstamp en fynmaal. Wel, liewe lesers, kom ons vind holtes vir ons voete en sorg dat ons voete stewig geanker is, sodat geen vrees ons onderstebo kan loop nie.Petronella F Genis pfgenis@unam.na Vakgroep Afrikaans Universiteit van Namibië

Ons taal

Kommentaar

Republikein 2025-12-17

Meld asseblief aan om kommentaar te lewer

Ons taal

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.