Ons onthou julle

Sedert verlede week kan mense by die muur van herinnering by die hoërhof in Windhoek strikkies vir hul geliefdes vasbind. Rooi strikke is ter herinnering van 'n kollega, vriend of familielid wat gedurende 2021 aan ­Covid-19 dood is. 'n Pienk strik betoon die dankbaarheid vir iemand wat van Covid-19 herstel het. 'n Wit strik is sodat die Here die naam kan hoor van 'n persoon wat nog siek is of besig is om te herstel. Mense kan ook 'n foto van die persoon by hul strik aanheg, óf bloot 'n strik aanheg. Hier is mnr. Jackson Kahiuoua by die muur van herinneringe. “Dit is 'n baie mooi gebaar en dis goed dat ons op so 'n manier die mense kan onthou. Ek het baie van hulle geken,” het hy gesê. Foto Tanja Bause