Ons moet hierdie kettings breek

Marie Waggie skryf:Die woord wat op elke media se tong bly ry, maak my siek. Dit help niks om te dink jy wil bietjie positief voel nie, want die volgende oomblik wanneer jy jou radio of televisie aanskakel of ‘n koerant oopmaak, is die regering besig met die woord, maar geen daad.Ek kan snags nie slaap nie, want my gedagtes is vol geprop. Jy skryf en skryf met die hoop die mense self sal begin om ‘n verskil te wil wees of een te maak.Ons was arm, maar trotse mense. Vandag is ons arm en pateties.UitsigloosheidDie man wat pensioengeld of ongeskiktheidsgeld by die regering kry en dit by die sjebeen gaan uitdrink, is die man wat die getal vol maak van wie onder die armes tel. Die man wat saam met sy nageslag bly in sy ouma se huis, vanaf daaityd tot nou steeds ‘n sinkhuis, is die man wat tel onder die armes.Nou moet die mens wat droom en sy drome najaag om ‘n beter bestaan te maak onder die dekmantel van die regering wat “kamma” bekommerd is oor armoede bygekom word om die een te help wat as gevolg van luiheid in sy omstandighede vasgevang sit. En die stelsel word genoem Harambee?Ek het geen benul wat dit beteken nie, maar ek glo definitief dit is geld wat van die ou af kom wat soggens vroeg opstaan en gaan werk, en laat saans eers terugkom by sy huis, wat die Harambee-stelsel moet voed. Is dit regverdig?En die regering is die onderhouer van hierdie soort stelsels, net om hulle voorgehoude reputasie van “omgee” te laat uitstaan.Uit een sak na die anderDie armes sal net armer word, want die nasie word aangehits om te sit en net te ontvang van die regering. Die geld kom nie uit die sakke van die regering nie, maar uit die sak van die arm man wat ‘n bestaan maak, wat gedwing word deur die wette van die land om met sy bietjie ander te voed.Ek was ‘n huiswerker en uit daardie salaris het ek vir my ‘n huis gebou. Ek het vir my uit daardie salaris ‘n spaarrekening opgebou. Op die einde van die dag besluit 'n finansiële instelling onder die vaandel van 'n landswet dat ek op ‘n sommetjie van N$300 per maand van my spaargeld geregtig is.Ek kan vir my ‘n woonstelletjie met my spaargeld bou, en iemand help met ‘n blyplek en daaruit ‘n bietjie meer as N$1 000 verdien en ek het nog steeds ‘n vaste belegging of eiendom van my eie. Vertel jy die persoon agter die toonbank dit, dan lyk dit of jy die grap van die jaar oorvertel. Dit is om net nog sieker van te raak.'n Begrafnispolis betaal uit. Dit gaan als na die meester van die hooggeregshof. En dit is die wet mevrou, daar is niks wat jy daaraan kan doen nie.Nou moet jy maandeliks soos ‘n bedelaar kom staan, by ‘n klomp suur gesigte wat jou menswees skud tot in jou binneste. Nee man, dit is om nog net sieker van te raak. ‘n Begrafnispolis, wat beteken dit?Massas leë huiseMassabehuising? Oral staan ‘n klompie huise klaar gebou en niemand bewoon dit nie.Dit moet nou eers op die korrupte, boetie-boetie manier uitgedeel word, en elkeen moet eers uitkyk vir daai fyn skelmlyn om dit reg te kry.Waarom kan massabehuising nie ‘n huis bou vir ‘n mens wat klaar ‘n erf het en dan die persoon se sinkhuis vervang nie? Hierdie persoon moet dan net een rekening van huis, erf en agterstallige waterrekening kry en dit betaal. Dit sal mense motiveer vir beter en nie om net verder niks te wil wees of besit nie. Hierdie persoon sal weet om harder te werk en sy beter of opgegradeerde lewenstyl wil behou of nog verder verbreed.Die regering sit al hierdie dinge voor die mens, om hul status te verhoog, maar die mens vergeet wie en wat hy is.Die mens kom uit ‘n Hoërhand wat aan elkeen dieselfde gegee het, soos jy inkom en soos jy uitgaan uit hierdie wêreld, maar dit is weens die regering dat die mens net op ander wil steun en nie eens ‘n gesonde bietjie verstand wil gebruik nie.’n Siesa loonDie regering het oor huishulpe se salaris besluit. Vir ‘n uur sal jy N$7 verdien.Is dit nie om net nog sieker van te word nie? Huishulpwerke verskil – daar is groot paleise en dié werk moet vir dieselfde prys gedoen word?Ek glo baie huishulpe het baie beter salarisse verdien as die nuwe voorskrifte, en die wat minder betaal is, het ook alreeds ‘n bestaande verhouding met hul werknemers.Die regering is soos die dwelmverkoper in ‘n arm gemeenskap. En net die regering is geregtigheid self. En die mens sit vasgevang en word nie geleer hoe om uit hierde magtelose, sukkelende bestaan van hom te kom nie.Die mens is maar ‘n tipe skaakbordpion wat aan wette uitgelewer is wat aan die bendeleier die beste voordeel gee; vasgevang in hul eie lui en sonder droom stryd.Waar daar ‘n wil is, is daar ‘n weg. Arm, maar trots.

Ons moet hierdie kettings breek

Kommentaar

Republikein 2026-07-28

Meld asseblief aan om kommentaar te lewer

Ons moet hierdie kettings breek

Kommentaar

Republikein 2026-07-28

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.