Ons Mense: Om te bak, is om vreugde te saai
Shiwomeho is ’n kantoorbestuurder, bakker, opleier en besigheidseienaar en sê haar passie maak almal gelukkig.
Tanja Bause - “Ek het nie eintlik geweet wat ek eendag wil word nie. Ek het net geweet ek wil nie arm wees nie en ek wil geleerd en my ouers se trots en vreugde wees,” sê Shiwomeho Kalla.
Shiwomeho besit Shiwa The Baker en is op Oranjemund gebore en getoë.
“My kinderjare op Oranjemund was ongelooflik. Die dorp is soveel meer as ’n klomp huise, skole en besighede. Om daar groot te word, het my persoonlikheid gevorm. My ouers het ook ’n groot rol gespeel in wie en wat ek vandag is. Ek het in ’n beskeie huis grootgeword met ouers wat baie op dissipline ingestel was.”
Volgens Shiwomeho het opofferings wat haar ouers gemaak het die beste geleenthede vir haar en haar broers en susters moontlik gemaak om suksesvol te wees in alles wat hulle aanpak.
“Ek sê altyd vir mense ek is op diamante gebore en grootgemaak is, dus nog voordat ek gevorm is, was ek bestem om te skyn,” sê sy.
Shiwomeho het haar matriekjaar in Windhoek aan die Hoërskool Delta afgesluit en het meer as 10 jaar se werkservaring in Namibië se private sektor.
“Ek het in die kantoor van die uitvoerende beampte van die Namibiese Kamer van Handel en Nywerheid (NCCI) gewerk. Ek was ook uitvoerende assistent by Martha Namunjebo-Tilahun en haar man Haddis Tilahun (bekende Namibiese sakelui).”
Shiwomeho het ook Business Today, ’n ekonomie-joernaalprogram van die nasionale uitsaaier (NBC), aangebied.
Vandag is sy kantoorbestuurder by ’n internasionale ontwikkelingsbank se plaaslike kantoor.
Bakkery
Maar sy is ook die vrou agter Shiwa The Baker.
“Ek het in 2016 begin bak, maar die besigheid eers twee jaar gelede begin,” sê sy.
Aanvanklik het Shiwomeho gebak om ’n ekstra inkomste te verdien, maar dit het vinnig ’n passie geword.
“Om te bak, is ’n ingewikkelde kuns, maar tog so elegant en boonop baie ontspannend. Dit help my om my angs te bestuur. Ek is chronies gekwel en vind die struktuur en fokus wat bak vereis, kalmerend,” sê sy.
Die onderneming se naam is uit haar eie naam afgelei.
“’n Baie goeie vriendin, Ndapewoshali Ashipala, wat ook die skeppende meesterbrein agter die handelsmerk is, het met die naam vorendag gekom,” sê sy.
Volgens Shiwomeho is elke dag in die kombuis anders.
“Die oomblik dat ek die kombuis betree, moet ek begin. Ek kan nie tyd mors nie, omdat ek voltyds werk. My tyd in die kombuis is redelik beperk. Ek is egter met ’n bakassistent van onskatbare waarde geseën, wat my regterhand is,” sê sy.
Volgens haar behels die besigheid baie meer as om net koek uit die oond te haal.
“Die afgelope 18 maande het ek daaraan bestee om die Shiwa The Baker-handelsmerk te skep en te posisioneer. Saam met Azania Communications, handelsmerkbestuurders, het ons tot dusver daarin geslaag om ’n betroubare, geloofwaardige en herkenbare handelsmerk op te bou wat sy beloftes voortdurend gestand doen.”
Shiwomeho bied private en korporatiewe kliënte ’n verskeidenheid gebakte lekkernye.
“Een van my hoogtepunte tot dusver was die verjaardagkoek wat ek vir pres. Hage Geingob se 78ste verjaardag gebak het. En ook die koek wat ek vir die 29ste Onafhanklikheidsviering gebak het.”
Shiwomeho is nie net ’n kantoorbestuurder, bakker en besigheidseienaar nie – sy bied ook baklesse aan.
“Die klasse is bedoel om bakliefhebbers en beginners ’n basis te gee om die wetenskap van bakwerk te verstaan en hulle met die beste baktegnieke toe te rus. Die afgelope twee jaar het ons al meer as 250 deelnemers gehad. Die meeste was vroue en baie van hulle het nou al met hul eie besighede begin. Die volgende klasse sal in Windhoek, Swakopmund en Ongwediva aangebied word.”
Sy sê haar hoofdoelwit is haar handelsmerk se volhoubaarheid.
Shiwomeho het onlangs ’n boetiekbakkery op Ongwediva geopen.
“My visie is om ’n erflatinghandelsmerk te skep, wat homself kan hernu deur die verandering in tegnologie, werknemers en verbruikers. Ek sien myself aan die stuur van ’n wêreldwye handelsmerk – ’n markleier op kulinêre gebied met ’n wêreldklas opleidingsakademie, terwyl ek steeds heerlike, dekadente koeke bak,” sê sy.
“Om te bak, is ’n dubbele dosis asemrowendheid: Dit maak my baie gelukkig en gebakte lekkernye maak almal gelukkig. Om vreugde te kan versprei, is ’n uiters bemagtigende ervaring.”
– [email protected]
Shiwomeho besit Shiwa The Baker en is op Oranjemund gebore en getoë.
“My kinderjare op Oranjemund was ongelooflik. Die dorp is soveel meer as ’n klomp huise, skole en besighede. Om daar groot te word, het my persoonlikheid gevorm. My ouers het ook ’n groot rol gespeel in wie en wat ek vandag is. Ek het in ’n beskeie huis grootgeword met ouers wat baie op dissipline ingestel was.”
Volgens Shiwomeho het opofferings wat haar ouers gemaak het die beste geleenthede vir haar en haar broers en susters moontlik gemaak om suksesvol te wees in alles wat hulle aanpak.
“Ek sê altyd vir mense ek is op diamante gebore en grootgemaak is, dus nog voordat ek gevorm is, was ek bestem om te skyn,” sê sy.
Shiwomeho het haar matriekjaar in Windhoek aan die Hoërskool Delta afgesluit en het meer as 10 jaar se werkservaring in Namibië se private sektor.
“Ek het in die kantoor van die uitvoerende beampte van die Namibiese Kamer van Handel en Nywerheid (NCCI) gewerk. Ek was ook uitvoerende assistent by Martha Namunjebo-Tilahun en haar man Haddis Tilahun (bekende Namibiese sakelui).”
Shiwomeho het ook Business Today, ’n ekonomie-joernaalprogram van die nasionale uitsaaier (NBC), aangebied.
Vandag is sy kantoorbestuurder by ’n internasionale ontwikkelingsbank se plaaslike kantoor.
Bakkery
Maar sy is ook die vrou agter Shiwa The Baker.
“Ek het in 2016 begin bak, maar die besigheid eers twee jaar gelede begin,” sê sy.
Aanvanklik het Shiwomeho gebak om ’n ekstra inkomste te verdien, maar dit het vinnig ’n passie geword.
“Om te bak, is ’n ingewikkelde kuns, maar tog so elegant en boonop baie ontspannend. Dit help my om my angs te bestuur. Ek is chronies gekwel en vind die struktuur en fokus wat bak vereis, kalmerend,” sê sy.
Die onderneming se naam is uit haar eie naam afgelei.
“’n Baie goeie vriendin, Ndapewoshali Ashipala, wat ook die skeppende meesterbrein agter die handelsmerk is, het met die naam vorendag gekom,” sê sy.
Volgens Shiwomeho is elke dag in die kombuis anders.
“Die oomblik dat ek die kombuis betree, moet ek begin. Ek kan nie tyd mors nie, omdat ek voltyds werk. My tyd in die kombuis is redelik beperk. Ek is egter met ’n bakassistent van onskatbare waarde geseën, wat my regterhand is,” sê sy.
Volgens haar behels die besigheid baie meer as om net koek uit die oond te haal.
“Die afgelope 18 maande het ek daaraan bestee om die Shiwa The Baker-handelsmerk te skep en te posisioneer. Saam met Azania Communications, handelsmerkbestuurders, het ons tot dusver daarin geslaag om ’n betroubare, geloofwaardige en herkenbare handelsmerk op te bou wat sy beloftes voortdurend gestand doen.”
Shiwomeho bied private en korporatiewe kliënte ’n verskeidenheid gebakte lekkernye.
“Een van my hoogtepunte tot dusver was die verjaardagkoek wat ek vir pres. Hage Geingob se 78ste verjaardag gebak het. En ook die koek wat ek vir die 29ste Onafhanklikheidsviering gebak het.”
Shiwomeho is nie net ’n kantoorbestuurder, bakker en besigheidseienaar nie – sy bied ook baklesse aan.
“Die klasse is bedoel om bakliefhebbers en beginners ’n basis te gee om die wetenskap van bakwerk te verstaan en hulle met die beste baktegnieke toe te rus. Die afgelope twee jaar het ons al meer as 250 deelnemers gehad. Die meeste was vroue en baie van hulle het nou al met hul eie besighede begin. Die volgende klasse sal in Windhoek, Swakopmund en Ongwediva aangebied word.”
Sy sê haar hoofdoelwit is haar handelsmerk se volhoubaarheid.
Shiwomeho het onlangs ’n boetiekbakkery op Ongwediva geopen.
“My visie is om ’n erflatinghandelsmerk te skep, wat homself kan hernu deur die verandering in tegnologie, werknemers en verbruikers. Ek sien myself aan die stuur van ’n wêreldwye handelsmerk – ’n markleier op kulinêre gebied met ’n wêreldklas opleidingsakademie, terwyl ek steeds heerlike, dekadente koeke bak,” sê sy.
“Om te bak, is ’n dubbele dosis asemrowendheid: Dit maak my baie gelukkig en gebakte lekkernye maak almal gelukkig. Om vreugde te kan versprei, is ’n uiters bemagtigende ervaring.”
– [email protected]
Kommentaar
Republikein
Geen kommentaar is op hierdie artikel gelaat nie