'Ons is mislei'

“Ek is verraai,” het Madino Dhurow gesê van haar terugkeer na Somalië uit die wêreld se grootste vlugtelingkamp, Dadaab, waar sy 12 jaar lank gewoon het. Sy sê is verseker van veiligheid en ondersteuning tuis, maar het agtergekom dit was alles leë beloftes.Sy is onder duisende Somaliërs wat die uitgebreide kamp verlaat het, waar nagenoeg 260 000 mense in naburige Kenia woon. Sommiges was onder druk om terug te keer huis toe, nadat die regering in Nairobi aangekondig het dat Dadaab gesluit sal word omdat dit glo 'n werwingsgebied vir Somalië se Al-Sjabaab Islamitiese ekstremiste geword het en 'n basis is vanwaar aanvalle uitgevoer word.Al-Sjabaab het verskeie aanvalle in Kenia uitgevoer uit weerwraak vir Keniaanse troepe wat in 2011 na Somalië gestuur as deel van die Afrika-unie se vredesmag om teen ekstremiste te veg wat die Westers-gesteunde regering omver wil werp.Die insurgente se dodelike aanvalle in Somalië bedreig ook die lewens van diegene wat uit Dadaab teruggekeer het. “Al die verbeterings aan veiligheidsmaatreëls en inligting oor welsyn wat aan ons meegedeel is, is vals,” het Dhurow gesê terwyl sy na haar ses kinders gekyk het wat gespeel het in vuil stilstaande water in Mogadisjoe se kamp vir hawelose mense, waar hulle nou woon.Omstandighede in die Somaliese kamp, Dayeel, is haglik. Families leef in saamgeflanste skuilings wat van plastiek en stokke gemaak is en nie geskik is om hulle teen die komende moesonreën te beskerm nie. Inwoners van die kamp val ook gereeld snags gewapende bendes ten prooi.Vlugtelinge sê elke familie wat onderneem het om terug te keer na Somalië het elk US$400 van die Verenigde Nasies ontvang, maar die geld is nou op.Nagenoeg 35 000 Somaliese vlugtelinge het volgens die Verenigde Nasies se hoë kommissariaat vir vlugtelinge reeds sedert 2014 ingestem om vrywillig na Somalië terug te keer.Verlede maand het die Keniaanse regering aangekondig dat die sperdatum vir die sluiting van die kamp met ses maande verleng word.– Nampa/AP

'Ons is mislei'

Kommentaar

Republikein 2026-05-06

Meld asseblief aan om kommentaar te lewer

'Ons is mislei'

Kommentaar

Republikein 2026-05-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.